పుల్లటి పెరుగులో రెండు టీ స్పూన్ల మందారపొడి వేసి బాగా కలిపి జట్టుకి పట్టించాలి. ఇలా చేస్తే… జుట్టు చిట్లిపోకుండా పెరుగుతుంది. హెయిర్ ఫాల్ సమస్య వుండదు. అలాగే జుట్టు ఎదుగుదలకు పోషకపదార్ధాలు, ప్రోటిన్స్ అవసరం కాబట్టి బలమైన పోషక పదార్ధాలైన పాలు,పళ్ళ రసాలు రోజు తీసుకునే ఆహారంలో భాగంగా వుండేలా చూసుకోవాలి. అలాగే మానసిక ఒత్తిడిని దూరం చేసుకోవాలి. ఇంకా వారంలో మందారపువ్వుల్ని గుజ్జుగా చేసి అందులో ఒక స్పూను కలబంద గుజ్జు కలిపి తలకు పట్టించి అరగంట తర్వాత తలస్నానం చేయాలి. ఇలా చేస్తే.. చుండ్రు తగ్గుతుంది. జుట్టు మృదువుగా తయారవుతుంది. ఒక గ్లాసు నీళ్లలో రెండు టీ స్పూన్ల టీ పొడి వేసి మరిగించి అందులో ఒక టేబుల్ స్పూను మందారపొడి వేసి కలిపి తలకు పట్టించాలి. జుట్టుకి ఇది మంచి కండీషనర్‌గా ఉపయోగపడుతుంది.
