ఏపీ సీఎం చంద్రబాబుపై విశాఖ శారదా పీఠాధిపతి స్వరూపానందేంద్ర సరస్వతి చేసిన వ్యాఖ్యలు పెను దుమారాన్ని రేపిన సంగతి తెలిసిందే. అయితే తన వ్యాఖ్యలపై ఆయన వెనక్కి తగ్గారు. తన వ్యాఖ్యలను మీడియా వక్రీకరించిందన్నారు. టీటీడీలో పాలన లోపభూయిష్టంగా తయారైందంటూ, చంద్రబాబుపై కోర్టులో కేసు వేస్తానని స్వామి హెచ్చరించారు. అయితే స్వామిపై టీడీపీ నేతలు తీవ్రస్థాయిలో విరుచుకుపడ్డారు. చుట్టుముట్టిన విమర్శల నేపథ్యంలో వెనక్కి తగ్గారు.
తిరుమల తిరుపతి దేవస్థానంలో పాలన గాడి తప్పిందని, ముఖ్యమంత్రి చంద్రబాబు నాయుడిపై కేసు వేస్తానని హెచ్చరించిన ఆయన తీవ్ర విమర్శలు మూటగట్టుకున్నారు. ఏపీలో అవినీతి తారస్థాయికి చేరుకుందని, ప్రభుత్వం మార్పు కోసం త్వరలో రాజశ్యామల యాగం చేయనున్నట్టు చెప్పారు. స్వరూపానందేంద్ర స్వామి వ్యాఖ్యలపై టీడీపీ నేతలు విరుచుకుపడ్డారు. త్వరలోనే ఆయన వైసీపీలో చేరబోతున్నారని, అందుకనే ఫక్తు రాజకీయ నాయకుడిలా మాట్లాడుతున్నారని తీవ్ర విమర్శలు చేశారు. దీంతో వెనక్కి తగ్గిన స్వామి.. తన వ్యాఖ్యలను మీడియా వక్రీకరించిందని అన్నారు.
