పెళ్లంటే ప్రతి ఒక్కరి జీవితంలో ఒక మధురమైన ఘట్టం. సరైన జోడి కోసం నేటి యువత పరితపిస్తునారు. కానీ వివాహఅన్యున్నతకు ఆదర్శంగా నిలిచింది ఈ కొత్త జంట. సిద్దిపేట్ కు చెందిన విద్య సాగర్ డిగ్రీ పూర్తి చేశాడు. చిన్నతంలోనే తల్లిదండ్రులను కోల్పోయాడు. చిన్నతనం నుండే అనాధగా పెరిగిన విద్య సాగర్ వివాహ సంబందంతో కుటుంబాన్ని పొందలనుకున్నాడు. అందులో భాగంగా సికింద్రాబాద్ కు చెందిన ఓ యువతి కుటుంబం నుండి వివాహ సంబంధం వచ్చింది . అయితే ఆ యువతి అంగవైకురాలు (మరగుజ్జు) అయినప్పటికీ విద్య సాగర్ వివాహానికి ఒప్పుకున్నాడు. ఆమెకు జీవితాన్ని ఇవ్వడంతో పాటు తనకు ఓ కుటుంబం అండగా ఉంటుందని ఆలోచించాడు. సికింద్రాబాద్ కు చెందిన రవళి (మరగుజ్జు) ప్రస్తుతం ఇంజనీరింగ్ ఫైనల్ ఇయర్ చదువుతుంది . అంగవైకల్యం ఉన్నప్పటికీ వివాహానికి ఒప్పుకోవడంతో అమ్మాయి కుటుంబ సభ్యులు వారికి వివాహం జరిపించారు . ఈ వివాహ వేడుకకు ముషీరాబాద్ వేదిక అయ్యింది. గొప్ప మనస్సుతో ఆదర్శ వివాహం చేసుకున్న దంపతులను.. వివాహానికి హాజరైన వాళ్ళు అభినందించారు.
