సీనియర్ నటుడు, డైలాగ్ కింగ్ మోహన్ బాబు ఇంట్లో చోరీ జరిగింది. లక్షల రూపాయల నగదు తో పాటు, విలువైన నగలు చోరీకి గురైనట్లు మోహన్ బాబు మేనేజర్ చంటి.. బంజారాహిల్స్ పోలీస్ స్టేషన్ లో ఫిర్యాదు చేశారు. మోహన్ బాబు ఇంట్లో పనిమనిషి పై అనుమానం వ్యక్తం చేశారు. దీంతో ఈ ఘటనపై కేసు నమోదు చేసిన పోలీసులు ఘటనాస్థలిని చేరుకొని పరిశీలించారు. కాగా, ఈ కేసు విషయంలో దర్యాప్తు ప్రారంభించామని పోలీసులు తెలిపారు. నిందితులను త్వరలోనే పట్టుకుని నగదు, ఆభరణాలను రికవరీ చేస్తామని హామీ ఇచ్చారు.
