ఆకు కూరలు పుష్కలంగా తినాలని వైద్యులు సలహా ఇస్తుంటారు. ఈ ఆకుకూరల్లో మన శరీరానికి కావాల్సిన అనేక పౌషకాలు, విటమిన్స్ పుష్కలంగా ఉంటాయి. అందుకే ప్రతి రోజూ మనం తీసుకునే ఆహారంలో ఆకుకూరలను క్రమం తప్పకుండా తీసుకోవాలని ఆరోగ్య నిపుణులు సూచిస్తుంటారు. అలాంటి ఆకు కూరల్లో తోటకూర ఒకటి. దీన్ని ప్రతి రోజూ తీసుకోవడం వల్ల కలిగే లాభాలను పరిశీలిద్ధాం.
* అధిక రక్తపోటుకు అడ్డుకట్ట వేస్తుంది.
* హైపర్ టెన్షన్‌తో బాధపడే వాళ్లకు మంచి మేలు చేస్తుంది.
* వేపుడు కన్నా కూర అయితే ఉత్తమం.
* కూరలో అధిక పోటీన్లూ శరీరానికి అందుతాయి.
* బరువు తగ్గాలనుకునేవాళ్లు ప్రతి రోజూ తోటకూర తినటం వలన మంచి ఫలితం ఉంటుంది.
* ఇందులోని పీచు పద్దారం శరీరంలోని కొవ్వును తగ్గిస్తుంది. జీర్ణశక్తిని పెంచుతుంది.
* కాల్షియం, ఇనుము, మెగ్నీషియం, ఫాస్పరస్, జింక్, కాపర్, మాంగనీస్, సెలీనియం వంటి ఖనిజాలు అన్నీ తోటకూరలో పుష్కలంగా లభిస్తాయి.
* రక్తనాళాన్ని చురుగ్గా ఉంచుతాయి. గుండెకు మేలు చేసే పొటాషియం, సోడియం, వంటివీ అధికంగా సమకూరుతాయి.
* విటమిన్ ఎ, సి, డి, ఇ, కె మరియు బి12, బి6 వంటివన్నీ ఒకే కూరలో ఇన్ని లాభాలు చాలా అరుదుగా ఉంటాయి.
