టాలీవుడ్ యువ సంచలనం విజయ్ దేవరకొండ. ఈయన అర్జున్ రెడ్డి చిత్రంతో సంచలనం సృష్టించగా, గీత గోవిందం చిత్రంలో ఫ్యామిలీ హీరోగా ముద్రవేసుకున్నాడు. ఆ తర్వాత నోటాతో ప్రేక్షకుల ముందుకు వచ్చినా పెద్దగా ఆలరించలేక పోయాడు. ఈ క్రమంలో ఆయన తాజాగా నటిస్తున్న చిత్రం డియర్ కామ్రేడ్. ఈ చిత్రంతో పాటు.. క్రాంతి మాధవ్ చిత్రంలోనూ నటిస్తూ బిజీగా ఉన్నాడు.
ఇదిలావుంటే, ప్రముఖ నిర్మాత ఎస్‌ఆర్‌ ప్రభు, కొత్త దర్శకుడిని పరిచయం చేస్తూ ఓ చిత్రం చేయ‌నున్నాడ‌ట. ఇందులో హీరోగా విజయ్ దేవరకొండ పేరు వినిపిస్తుండ‌గా, హీరోయిన్‌గా లేడీ సూపర్ స్టార్ న‌య‌న‌తార అనే టాక్ వినిపిస్తుంది. ఈ ప్రాజెక్ట్‌ని తెలుగు, త‌మిళ భాష‌ల‌లో విడుద‌ల చేయనున్నారు. ఈ ప్రాజెక్ట్‌కి సంబంధించి అధికారిక ప్ర‌క‌ట‌న రావ‌ల‌సి ఉంది. ఒక‌వేళ ఈ వార్తే క‌నుక నిజ‌మైతే అతి త‌క్కువ టైంలో లేడీ సూపర్ స్టార్‌గా మన్నలు అందుకుంటున్న న‌య‌న‌తార‌తో జ‌త‌క‌ట్టే ఛాన్స్ విజయ్ దేవరకొండ కొట్టేసినట్టే. మొత్తం మీద ముదురు హీరోయిన్‌పై ఈ కుర్ర హీరో మనసు పారేసుకున్నాడని చెప్పొచ్చు.
