టాలీవుడ్ సంచలనం విజయ్ దేవరకొండ. ఈయన సినీ కెరీర్‌లో చాలా తక్కువే అయినప్పటికీ.. మంచి పాపురల్ హీరో అయిపోయాడు. అర్జున్ రెడ్డి చిత్రంలో యూత్‌ని ఫిదా చేస్తే, గీతగోవిందం చిత్రంలో మహిళలను అమితంగా ఆకట్టుకున్నాడు.
ఆ తర్వాత నోటాతో ప్రేక్షకుల ముందుకు వచ్చి నిరాశపరిచాడు. అయినప్పటికీ వెనక్కి తగ్గకుండా డియర్ కామ్రేడ్ పేరుతో త్వరలోనే ప్రేక్షకుల మందుకురానున్నాడు.
ఈ చిత్రంతో పాటు.. క్రాంతి మాధవ్‌ దర్శకత్వంలో ఓ సినిమా చేస్తున్నాడు. ఆ రెండు చిత్రాలు తెలుగులో మాత్రమే తెరకెక్కుతున్నాయి. వీటి తర్వాత మళ్లీ విజయ్ ఒక ద్విభాషా చిత్రం కోసం రంగంలోకి దిగబోతున్నట్టు ఫిల్మ్ నగర్ వర్గాల సమాచారం.
ఈ చిత్రాన్ని ఒక తమిళ దర్శకుడు తెరకెక్కించబోతున్నారట. ఇందులో విజయ్ బైక్‌ రేసర్‌గా కనిపించనున్నట్టు సమాచారం. ఆ చిత్రం కోసమే విజయ్ బైక్‌ రేసింగ్‌కి సంబంధించిన మెలకువలు నేర్చుకుంటున్నట్టు తమిళ సినీ వర్గాలు చెబుతున్నాయి.
విజయ్ సరసన సీనియర్‌ కథా నాయిక నయనతార నటించే అవకాశాలున్నాయని ప్రచారం సాగుతోంది. విజయ్ ‘డియర్ కామ్రేడ్’ని ఈ వేసవిలో ప్రేక్షకుల ముందుకు తీసుకొచ్చే ప్రయత్నాల్లో ఉన్నారు.
