‘కుమారి 21 ఎఫ్‌, 24 కిస్సెస్ వంటి సినిమాల్లో నటించిన హెబ్బా పటేల్ ప్రస్తుతం బోల్డ్ సినిమాలో నటించేందుకు సిద్ధమంటోంది. తాజాగా సుశాంత్ రెడ్డి దర్శకత్వంలో ప్రిన్స్ హీరోగా ”రాడికల్” అనే ఒక సినిమా సెట్స్ పైకి వెళుతోంది. ఈ సినిమాలో కథానాయికగా హెబ్బా పటేల్‌ను ఎంపిక చేసుకున్నారు. రొమాంటిక్ సీన్స్ పుష్కలంగా వున్న ఈ పాత్ర, తన క్రేజ్‌ను మరింత పెంచుతుందని హెబ్బా పటేల్ భావిస్తోందట.
ప్రస్తుతం ప్రీ ప్రొడక్షన్‌ కార్యక్రమాలు జరుపుకుంటున్న ఈ సినిమా త్వరలో ప్రారంభం కానుంది. ఇందులో హెబ్బా పటేల్ బోల్డ్‌గా కనిపిస్తుందని టాక్ వస్తోంది. ఈ సినిమాలో హెబ్బా పటేల్‌తో పాటు మరో ఇద్దరు హీరోయిన్లు నటించనున్నారు. బోల్డ్ సన్నివేశాలు, లిప్ లాక్ సన్నివేశాలు ఇందులో పుష్కలంగా వుంటాయని సినీ యూనిట్ వర్గాల సమాచారం.
