రాష్ట్ర రాజధాని అమరావతిలో నిర్వహించిన మీడియా సమావేశానికి ముందు సీఎం చంద్రబాబు ఎంతో సరదాగా వ్యవహరించారు. ఇక ఉపోద్ఘాతాలు లేవు బుల్లెట్‌లా దూసుకుపోవడమే అంటూ చంద్రబాబు కామెంట్స్ చేశారు.
అంతేకాదు, ఎంతో పాప్యులర్ అయిన “సమయం లేదు మిత్రమా” అనే బాలకృష్ణ డైలాగ్‌ను తనదైన శైలిలో “కాలం లేదు మిత్రమా” అంటూ మీడియా మిత్రుల ఆలస్యానికి అన్వయించారు చంద్రబాబు.
అంతేకాదు, సినీ భాషలో ‘మీరు టేక్ రెడీ అంటేనే మేం మాట్లాడతాం’ అంటూ విలేకరులతో చమత్కరించారు. వారు చెప్పిన దానికి ‘ఓకే అగ్రీడ్’ అంటూ తనదైన శైలిలో చంద్రబాబు మందహాసం చేశారు.
రాజధాని అమరావతిలో మీడియా సమావేశం ఏర్పాటు చేసి జగన్, కేసీఆర్, మోదీలపై తీవ్రస్థాయిలో విరుచుకుపడ్డారు. జగన్‌ను ఓ రేంజ్‌లో తూర్పారబట్టిన చంద్రబాబు… తెలంగాణ సీఎం కేసీఆర్ పైనా విమర్శలు చేశారు. ఆయనో మహానాయకుడు… మనమీదకు ఒంటికాలి మీద వస్తాడని సెటైర్లు విసిరారు.
జగన్ కొన్ని వందల నేరాలు చేస్తే మీకు కనిపించలేదా? ఎందుకు జగన్‌పై చర్యలు తీసుకోలేదు?” అంటూ చంద్రబాబు నిలదీశారు. ఇవన్నీ కేసీఆర్, జగన్ లాలూచీ వ్యవహారాలకు నిదర్శనాలని మండిపడ్డారు. జగన్ పూర్తిగా కేసీఆర్‌కు లొంగిపోయారని తీవ్రస్థాయిలో విమర్శలు గుప్పించారు.
