పవర్ స్టార్ పవన్ కల్యాణ్ ఎక్కడి నుంచి పోటీ చేయబోతున్నారనే ఉత్కంఠ సర్వత్ర నెలకొంది. అనంతపురం జిల్లా నుంచి ఆయన పోటీ చేస్తారనే వార్తలు తొలుత వినిపించాయి. ప్రస్తుతం పీఠాపురం లేదా గాజువాక నియోజకవర్గాల నుంచి ఆయన పోటీ చేస్తారనే చర్చ జనసేనలో సాగుతోంది.
ఈ రెండు స్థానాల్లో పవన్ ఎక్కడి నుంచి పోటీ చేస్తారనే విషయంలో… ఒకటి, రెండు రోజుల్లో దీనిపై స్పష్టత వస్తుందని జనసేన వర్గాల సమాచారం. అలాగే పవన్ కల్యాణ్ తమ అభ్యర్థులను ఖరారు చేసే పనిలో బిజీగా ఉన్నారు. రాజమండ్రి, అమలాపురం ఎంపీ స్థానాలకు ఇప్పటికే అభ్యర్థులను ప్రకటించారు.
మరోవైపు రెండు స్థానాల నుంచి పోటీ చేస్తారని.. ఉభయగోదావరి జిల్లాల్లో ఏదో ఒకస్థానం నుంచి పవన్ పోటీ చేయడం ఖాయమని పార్టీ వర్గాలు చెబుతున్నాయి. గోదావరి జిల్లాల నుంచి ఓ స్థానం, ఉత్తరాంధ్ర నుంచి మరో స్థానంలో పవన్ పోటీ చేస్తారని జనసేన నేతలు చెప్తున్నారు.
