టీడీపీలో ఫైర్ బ్రాండ్ ఇమేజ్‌ను సొంతం చేసుకున్నారు. వైకాపా, జనసేన పార్టీలపై నిప్పులు చెరుగుతున్న ఈమె ప్రస్తుతం పోటీ చేయడంపై ప్రస్తుతం సందిగ్ధత నెలకొంది. పార్టీలో ఎంతోమంది మహిళా నేతలు ఉన్నా వారెవరికీ రాని పేరు యామినికి వచ్చింది. అందుకు కారణం ఆమె దూకుడే.
పవర్ స్టార్ పవన్ కల్యాణ్ అంతటివాడిని సైతం టార్గెట్ చేసి అందరినీ విస్మయానికి గురిచేసింది యామిని. విద్యావంతురాలు, ఎలాంటి అంశంపైనా క్లారిటీగా మాట్లాడే సత్తా కలిగివుండే యామినికి మంచి ఫ్యాన్ ఫాలోయింగ్ వుంది. అలాగే సోషల్ మీడియా యామినికి మంచి పేరుంది. ఈ నేపథ్యంలో ఎన్నికల్లో యామిని సాధినేని పోటీ చేస్తుందా? చంద్రబాబు ఆమెకు టికెట్ ఇస్తారా? ఒకవేళ ఇస్తే ఎక్కడ నుంచి పోటీ చేస్తుంది? అనే అంశాలు చర్చనీయాంశంగా మారాయి.
అయితే యామిని గుంటూరు పశ్చిమ నియోజకవర్గం నుంచి బరిలో దిగేందుకు ఆసక్తి చూపిస్తున్నట్టు సమాచారం. గతంలో ఇక్కడ టీడీపీ నుంచి గెలిచిన మోదుగుల వేణుగోపాల్ రెడ్డి ఈసారి టీడీపీకి వీడ్కోలు పలికి వైసీపీలోకి వెళ్లిపోయారు. దాంతో గుంటూరు వెస్ట్ నియోజకవర్గంలో టీడీపీకి సమర్థత ఉన్న నేత అవసరం. ఇందుకు యామినిని రంగంలోకి దించనున్నట్లు తెలుస్తోంది.
