ఆర్ఎక్స్100 హీరో కార్తికేయ మళ్లీ బోల్డ్ కంటెంట్‌నే నమ్ముకున్నాడు. కెరీర్ తొలినాళ్లలో ‘ప్రేమతో మీ కార్తిక్’ అనే సినిమా చేశాడు. ఈ చిత్రం వచ్చింది తెలియదు.. పోయింది తెలియదు. ఆ తర్వాత ‘ఆర్ఎక్స్ 100’ అంటూ గతేడాది ప్రేక్షకుల్ని పలకరించాడు.
ఆ చిత్రం ఊహించని విజయాన్ని సొంతం చేసుకుంది. ఫలితంగా కార్తికేయ స్టార్ ఇమేజ్ పెరిగింది. ఆ సినిమా అంత పెద్ద హిట్టవడానికి కారణం అందులోని బోల్డ్ కంటెంట్. ఆ కంటెంట్ యువతను బాగా ఆకట్టుకుంది.
అందుకే ఇపుడు ఆయన నటించిన ‘హిప్పీ’లో కూడా దాన్నే ఫాలో అయినట్టుగా ఉన్నాడు. ఈ చిత్రం టీజర్‌ బుధవారం రిలీజ్ చేశారు. అందులోనూ ప్రేమ కథలే హైలెట్.
వాటిలో బోలెడన్ని బోల్డ్ ముద్దు సీన్లు. చూడబోతే ఈ సినిమాలో కూడా ఒక వర్గం ప్రేక్షకులకి కావాల్సిన హాట్ హాట్ కంటెంట్ ఉందనిపిస్తోంది. టిఎన్ కృష్ణ డైరెక్ట్ చేసిన ఈ సినిమా వేసవి కానుకగా ప్రేక్షకుల ముందుకురానుంది.
