తెలుగులో ప్రముఖ టీవీలో ప్రసారమయ్యే రియాలిటీ షో బిగ్ బాస్. తొలి రెండు సీజన్‌లు విజయవంతమయ్యాయి. దీంతో షో నిర్వాహకులు మూడో సీజన్‌పై దృష్టిపెట్టారు.
ఈ రియాలిటీ షో మొదటి సీజన్‌కు జూ. ఎన్టీఆర్ వ్యాఖ్యాతగా వ్యవహరించగా రెండో సీజన్‌ను హీరో నాని హోస్ట్ చేశాడు. త్వరలో మొదలుకానున్న 3వ సీజన్‌ను ఎన్టీఆర్ చేత హోస్ట్ చేయించాలని ముమ్మర ప్రయత్నాలు చేశారు.
కానీ, ఎన్టీఆర్ రాజమౌళి సినిమాతో బిజీగా ఉండటం వలన ఆయన డేట్స్ కుదరలేదు. దీంతో యాజమాన్యం నాగార్జున వైపు దృష్టి సారించారు. అయితే నాగ్ ఇంకా తన నిర్ణయాన్ని తెలపాల్సి ఉంది. నాగార్జున గతంలో ‘మీలో ఎవరు కోటీశ్వరుడు’ షోకు వ్యాఖ్యాతగా అలరించిన సంగతి తెలిసిందే.
