టీడీపీ నేత జేసీ దివాకర్ రెడ్డి వివాదాస్పద వ్యాఖ్యలు చేశారు. దివంగత ముఖ్యమంత్రి వై.ఎస్ రాజశేఖర రెడ్డిపై జేసీ సెన్సేషనల్ కామెంట్స్ చేశారు. వైఎస్సార్ తెలివైన ఫ్యాక్షనిస్టు అని కామెంట్ చేశారు. అయితే తాము ఫ్యాక్షనిస్టులం కాదని.. మా చేతికి రక్తపు మరకలు అంటలేదని వ్యాఖ్యానించారు.
ఓ ఇంటర్వ్యూలో జేసీ మాట్లాడుతూ.. ‘వైఎస్ రాజశేఖర రెడ్డి ఫ్యాక్షనిస్టా?’ అనే ప్రశ్నకు స్పందించారు. వైఎస్సార్ ‘ఫ్యాక్షనిస్టు.. తెలివైన ఫ్యాక్షనిస్టు’ అని బదులిచ్చారు. ‘మీరు నమ్మినా, నమ్మకపోయినా మా చేతికి రక్తపు మరకలు అంటలేదు. ఫ్యాక్షనిస్టులం కాదు’ అని మరో ప్రశ్నకు సమాధానంగా వెల్లడించారు.
తన అభిప్రాయం ప్రకారం ఫ్యాక్షనిస్టు అంటే, ఆస్తి కోసమో, ఆడదాని కోసమో, ఇంకో దాని కోసమో చంపుకోవడం వంటి అలవాట్లు మాకు లేదని జేసీ తెలిపారు.
