ఏపీ అసెంబ్లీ ఎన్నికల ప్రక్రియలో భాగంగా, నూజివీడు అసెంబ్లీ స్థానానికి సినీనటి, బిగ్ బాస్ 2 ఫేం.. అన్నే సాయి సంజన స్వతంత్ర అభ్యర్థిగా పోటీ చేస్తున్నారు. ఈమె స్వస్థలం జిల్లాలోని ఆగిరిపల్లి మండలం కృష్ణవరం.
సామాన్యకుటుంబలో పుట్టిసినీ నటి స్థాయికి చేరిన ఈమె… జన జాగృతి పార్టీ తరఫున రాజకీయ రంగ ప్రవేశం చేసింది. ఈ ఎన్నికల్లో కాంగ్రెస్ టికెట్ కోసం ప్రయత్నించినప్పటికీ… ఆ పార్టీ అధిష్ఠానం సుముఖత వ్యక్తం చేయనందున స్వతంత్ర అభ్యర్థిగా బరిలోకి దిగారు.
ఈ స్థానానికి మొత్తం 11 మంది పోటీ పడుతున్నారు. ఒక్క అవకాశం ఇస్తే నూజివీడు నియోజకవర్గాన్ని అన్ని విధాలా అభివృద్ధి చేస్తానని అంటున్నారు. ఆపిల్ గుర్తుకి ఓటేసి గెలిపించాలని కోరుతున్నారు. “నేను రాజు నేనే మంత్రి” చిత్రంలో సంజన ఓ పాత్ర పోషించారు.
