అమ్మ పాత్రలో తలైవిగా కనిపించనుంది.. కంగనా రనౌత్. ఈ సినిమా గురించి కంగనా తాజాగా స్పందించింది. జయలలితకు విధేయత ఎక్కువని చెప్పుకొచ్చింది. మణికర్ణిక చిత్రం హిట్‌తో మంచి ఊపుమీదున్న కంగన జయలలిత పాత్రలో కనిపించడం గొప్పగా వుందని తెలిపింది.
తమిళనాడు దివంగత ముఖ్యమంత్రి జయలలిత జీవిత కథ ఆధారంగా రూపొందనున్న ‘తలైవి’ సినిమాలో ఆమె జయలలిత పాత్రను పోషించబోతోంది. ఇటీవలే ఈ విషయాన్ని అధికారికంగా ప్రకటించిన కంగన తాజాగా మాట్లాడుతూ.. జయలలితపై ప్రశంసలు కురిపించింది.
సమస్యల్ని ఎదుర్కొని నిలదొక్కుకున్న తీరు అమోఘమని కొనియాడింది. జయ ఎన్నో వివాదాలు ఎదుర్కొన్నారని, ఇంకెన్నో కష్టాలు అనుభవించారని గుర్తు చేసింది. జయలలిత చాలా విధేయతతో ఉండేవారని చెప్పింది. ఆమె స్వభావం తనకు పూర్తిగా వ్యతిరేకమంది.
జయలలిత సినిమా చేయాలంటూ దర్శక, నిర్మాతలు తన వద్దకు వచ్చినప్పుడు తాను కొంత సమయం కావాలని అడిగానని చెప్పిన కంగన.. ఆ సమయంలో జయలలిత గురించి తెలుసుకునేందుకు కొన్ని పుస్తకాలు చదివానని, కొన్ని విషయాలు తెలుసుకుని ఆశ్చర్యపోయానని తెలిపింది.
