పాయల్ రాజ్‌పుత్.. కుర్రకారు హీరోయిన్లలో సంచలనం. ఈమె నటించిన తొలి చిత్రం ఆర్ఎక్స్ 100లో నెగెటివ్ షేడ్ ఉన్న రోల్ చేస్తూనే అందాలను ఆరబోసింది. వెండితెరపై ఆమె అందాలను చూసిన సినీ ప్రేక్షకులు ఫిదా అయిపోయారు. ఆ తర్వాత ఆమె తన సినీ కెరీర్‌లో జాగ్రత్తగా అడుగులు వేస్తున్నారు.
ఈ క్రమంలో తేజ దర్శకత్వంలో కాజల్ ప్రధాన పాత్రధారిగా ‘సీత’ సినిమా రూపొందింది. ఈ సినిమాలో కాజల్ జోడీగా బెల్లంకొండ శ్రీనివాస్ కనిపించనున్నాడు. ఈ నెల 25వ తేదీన ఈ సినిమాను భారీస్థాయిలో విడుదల చేయనున్నారు. ఈ నేపథ్యంలో ఈ సినిమా నుంచి బుధవారం ‘బుల్ రెడ్డి’ అంటూ సాగే ఒక ఐటమ్ సాంగ్‌ను రిలీజ్ చేయనున్నారనేది తాజా సమాచారం. బుధవారం ఉదయం 10 గంటల 30 నిమిషాలకి ఈ పాటను రిలీజ్ చేయనున్నారు.
‘ఆర్ఎక్స్ 100’ భామ పాయల్ రాజ్ పుత్ ఈ సినిమాలో ఈ ఐటమ్ సాంగ్ చేసింది. ఈ పాటలో ఆమె ఒక రేంజ్‌లో అందాలను ఆరబోసిందని చిత్ర యూనిట్ చెబుతోంది. పాటలో ఆమె ‘ఆర్ఎక్స్ 100’ బైక్‌ను కూడా నడుపుతుందని అంటున్నారు. ఈ ఐటమ్ సాంగ్ మాస్ ఆడియన్స్‌ను ఒక ఊపు ఊపేయడం ఖాయమనే టాక్ వినిపిస్తోంది. ఈ సినిమాకి ఈ ఐటమ్ సాంగ్ ప్రత్యేక ఆకర్షణగా నిలుస్తుందని చెప్పుకుంటున్నారు. కాగా, ‘నేనే రాజు నేనే మంత్రి’ తరువాత తేజ నుంచి వస్తోన్న ఈ సినిమా ఆయనకి మరో హిట్‌ను ఇస్తుందేమో చూడాలి.
