తాను పడే కష్టం కళ్లారా చూడాలనే తన మనవడు దేవాన్ష్‌ను ఇక్కడకు తీసుకొచ్చినట్టు ఏపీ ముఖ్యమంత్రి, టీడీపీ అధినేత నారా చంద్రబాబు నాయుడు చెప్పుకొచ్చారు. కృష్ణా జిల్లా నందిగామ టీడీపీ ప్రచార సభలో ఒకే వేదికపై తాతా మనవడు కనిపించారు. తాను పడుతున్న కష్టం తన మనవడికి చిన్ననాటి నుండే తెలియాలని ఈ సభకు దేవాన్ష్‌ను తీసుకొచ్చినట్టు చంద్రబాబు తెలిపారు.
టీడీపీ జెండా పట్టుకుని దేవాన్ష్ స్పెషల్‌ అట్రాక్షన్‌గా నిలిచాడు. ఈ సభకు కోడలు బ్రాహ్మణి కూడా హాజరయ్యారు. మనవడు దేవాన్ష్‌ను సభకు తీసుకురావడానికి గల కారణాన్ని చంద్రబాబు తెలిపారు. ఈ సభకు బయలుదేరే ముందు తాతయ్య ఎక్కడికి వెళ్తున్నావ్? అని మనవడు దేవాన్ష్ తనను అడిగాడని చంద్రబాబు చెప్పారు. తన కష్టం ఏంటో మనవడికి తెలియాలని చెప్పే ఈ సభకు దేవాన్ష్‌ని తీసుకొచ్చానని స్పష్టం చేశారు.
రాష్ట్రంలోని పిల్లలంతా తనకు మనవళ్లు, మనవరాళ్లతో సమానమని, పేద పిల్లలందరినీ ఇంజనీర్లు, డాక్టర్లు చేసే బాధ్యత తనదేనని హామీ ఇచ్చారు. ప్రపంచానికే సేవలందించే స్థాయికి ఏపీ యువత ఎదగాలని, ఇంటర్ విద్యార్థులకు ఐ ప్యాడ్, ల్యాప్‌టాప్‌లు ఇస్తామని చంద్రబాబు తెలిపారు.
పిల్లలందర్నీ బడికి పంపించాలని, వారిని ఇంజినీర్లు, డాక్టర్లను చేసే బాధ్యత తనదన్నారు. పిల్లల చదువుకు ఏడాదికి 18 వేల రూపాయలు ఇస్తానని వివరించారు. దేవాన్ష్ ఒక్కడే కాదు.. రాష్ట్రంలో ఉన్న చిన్నారులంతా మనవలు, మనవరాళ్లే అని చంద్రబాబు తన మనసులో మాటను చెప్పారు.
