టీడీపీ అధినేత చంద్రబాబు నాయుడుకు ఓటమి భయం పట్టుకుందని టీఆర్ఎస్ వర్కింగ్ ప్రెసిడెంట్ కేటీఆర్ సెటైర్లు వేశారు. ఏపీలో జరిగిన ఎన్నికల పోలింగ్ సరళిపై ఆయన స్పందిస్తూ, ఈవీఎంల పనితీరు సరిగా లేదన్న చంద్రబాబుపై ఆయన విమర్శలు చేశారు.
ఏపీలో జరిపిన ఎన్నికల ప్రచారంలో చంద్రబాబు అరుపులు, కేకలు, పెడబొబ్బలు పెద్దగా ఫలించినట్టు లేవని, అందుకే, తన ఓటమికి కారణాలు వెతుక్కునే పనిలో పడ్డారని విమర్శించారు. ఎన్నికల నిర్వహణలో ఈసీ విఫలమైందని చెప్పాలని చంద్రబాబు, ఎల్లో మీడియా చేస్తున్న యత్నాలే ఇందుకు నిదర్శనమని ఆ ట్వీట్‌లో పేర్కొన్నారు.
