టాలీవుడ్ మన్మథుడుగా గుర్తింపు పొందిన మోస్ట్ రొమాంటిక్ హీరో అక్కినేని నాగార్జున వరుస సీక్వెల్ మూవీల్లో నటించనున్నారు. ఈయన పల్లెటూరి బుల్లోడుగా నాగార్జునను ప్రేక్షకుల ముందుకు తీసుకొచ్చిన ‘సోగ్గాడే చిన్నినాయనా’ భారీ విజయాన్ని సొంతం చేసుకుంది.
ఆ సినిమాలో నాగార్జున పోషించిన ‘బంగార్రాజు’ పాత్ర జనంలోకి బాగా వెళ్లింది. దాంతో ఆ పాత్ర పేరుతోనే నాగార్జున ఈ చిత్రం సీక్వెల్ చేస్తున్నారు. ఈ చిత్రానికి కల్యాణ్ కృష్ణ దర్శకత్వం వహించనున్నారు.
ఈ సినిమాలో కథానాయికగా నయనతార అయితే బాగుంటుందని భావించి ఆమెను సంప్రదించారు. అయితే డేట్స్ ఖాళీ లేని కారణంగా తాను ఈ సినిమా చేయలేనని చెప్పినట్టు సమాచారం.
తాజాగా తమిళ హీరో సూర్య సతీమణి, సీనియర్ హీరోయిన్ జ్యోతిక పేరు తెరపైకి వచ్చింది. ఆమెతో సంప్రదింపులు జరుగుతున్నట్టుగా సమాచారం. 15 యేళ్ల క్రితం నాగార్జున సరసన ఆమె ‘మాస్’ సినిమా చేసింది. రీఎంట్రీ తర్వాత కథల ఎంపిక విషయంలో మరింత శ్రద్ధ వహిస్తున్న జ్యోతిక, ఈ సినిమాకి గ్రీన్ సిగ్నల్ ఇస్తుందో లేదో చూడాలి.
