మేషం : విద్యార్థుల శ్రమకు తగిన గుర్తింపు లభిస్తుంది. ఆర్థిక విషయాలలో చురుకుదనం కానవస్తుంది. ప్రైవేటు సంస్థలలోనివారు పనిలో ఏకాగ్రత వహించలేక పోవటంతో అధికారులచే మాటపడాల్సి వస్తుంది. ఉద్యోగస్తుల శ్రమకు అధికారుల నుంచి గుర్తింపు, ప్రోత్సాహం లభిస్తాయి. స్త్రీలకు స్వీయ ఆర్జనపట్ల ఆసక్తి, తగు ప్రోత్సాహం లభిస్తాయి.
వృషభం : రాజకీయ, ప్రజాసంబంధాల రంగాల వారికి ఒత్తిడి పెరుగుతుంది. కాంట్రాక్టులు, అగ్రిమెంట్లు ఫలిస్తాయి. స్నేహ పరిధి విస్తరిస్తుంది. కాంట్రాక్టర్లు ఒకే సమయంలో అనేక పనులు చేపట్టడంవల్ల విమర్శలు, త్రిప్పట అధికం అవుతాయి. ఉద్యోగస్తులకు ఇంక్రిమెంట్లు, అడ్వాన్సులు లాభించవు. ఆర్థిక సమస్యలు మెరుగుపడతాయి. నిరుద్యోగులకు సత్కాలం.
మిథునం : సమావేశాల్లో మీకు గుర్తింపు లభిస్తుంది. చిన్నారుల విద్యా విషయాల్లో శుభ పరిణామాలు సంభవం. పెట్టుబడులకు తగిన సమయం కాదు. నిరుద్యోగులకు నిరంతర కృషి అవసరం అని గమనించండి. ప్రయాణాలలో వస్తువులు జారవిడచుకునే ఆస్కారం ఉంది, జాగ్రత్త వహించండి. పదిమందిని కూడగట్టుకుని లక్ష్యసాధనకు ప్రయత్నిస్తారు.
కర్కాటకం : వ్యాపారాభివృద్ధికి చేయు కృషిలో విఫలం అవుతారు. విదేశీ వాణిజ్యం, ఉద్యోగ ప్రయత్నాలకు అనుకూలం. కుటుంబ సభ్యుల ఆరోగ్యం మెరుగుపడుతుంది. సోదరీ, సోదరుల మధ్య విబేధాలు తలెత్తుతాయి. కోర్టు వ్యవహారాలకు దూరంగా ఉండటం మంచిది. ఉద్యోగస్తులకు పై అధికారుల ధోరణిలో మార్పు కనిపిస్తుంది. నిర్మాణ పనుల్లో సంతృప్తి.
సింహం : ఉద్యోగస్తులు పై అధికారులతో సంభాషించేటప్పుడు మెలకువ వహించండి. ఆధ్యాత్మిక కార్యక్రమాల్లో పాల్గొంటారు. పదిమందినీ కూడగట్టుకుని ఓ మంచి పనికి శ్రీకారం చుడతారు. పాత సమస్యలు పరిష్కార మార్గంలో నడుస్తాయి. సన్నిహితుల ఆంతరంగిక విషయాలు ప్రస్తావనకు వస్తాయి. ఫీజులు, బిల్లులు చెల్లిస్తారు.
కన్య : శ్రీవారు, శ్రీమతి వైఖరి ఆందోళన కలిగిస్తుంది. ఎలక్ట్రానికల్, కంప్యూటర్, టెక్నికల్ రంగాలలోని వారి శ్రమకు తగిన ప్రతిఫలం కానవచ్చును. స్త్రీలకు పొదుపు పథకాలు లాభిస్తాయి. సోదరీ, సోదరులు, సన్నిహితులతో దైవ కార్యక్రమాలలో పాల్గొంటారు. ప్రముఖులు, పలుకుబడి కలిగిన వ్యక్తుల సహకారంతో అనుకున్న పనులు పూర్తి చేస్తారు.
తుల : ఆర్థికపరమైన ప్రోత్సాహకరమైన వార్తలు వింటారు. స్త్రీలు విలువైన వస్తాలు, ఆభరణాలు అమర్చుకుంటారు. బంధుమిత్రుల కలయిక ఉత్సాహం కలిగిస్తుంది. కాంట్రాక్టులు, అగ్రిమెంట్లకు అనుకూలం. కుటుంబ విషయాలపట్ల మీ వైఖరిలో మార్పు వస్తుంది. కొత్త ప్రాజెక్టులు, నూతన వ్యాపారాల ప్రారంభానికి తగిన సమయం.
వృశ్చికం : ఉద్యోగస్తులకు ఒత్తిడి, పనిభారం అధికం అవుతాయి. బ్యాంకింగ్ వ్యవహారాలలో అపరిచిత వ్యక్తుల పట్ల జాగ్రత్త అవసరం. అనురాగ వాత్సల్యాలు పెంపొందుతాయి. బదిలీల గురించి ఓ నిర్ణయం తీసుకుంటారు. విద్యార్థుల ఆలోచనలు పక్కదారి పట్టే ఆస్కారం ఉంది. లక్ష్యసాధనకు వ్యూహాలు రచిస్తారు. చిన్ననాటి మిత్రులు గుర్తుకు వస్తారు.
ధనస్సు : పారిశ్రామిక రంగంలోని వారికి నూతన ఆలోచనలు స్ఫురించగలవు. నిరుద్యోగులు ఉద్యోగానికి చేయు ప్రయత్నాలు ఫలిస్తాయి. ఫ్యాన్సీ, కిళ్లీ, కిరాణా, మందులు, ఎరువులు, రసాయనిక, సుగంధ ద్రవ్య వ్యాపారస్తులకు పురోభివృద్ధి. ఊహించని ఖర్చులు మీ అంచనాలు దాటిన మిత్రుల సహాయ సహకారాలవలన సమసిపోతాయి.
మకరం : స్త్రీలు ఇరుగుపొరుగు మనస్తత్వాలు తెలుసుకొని మసలుకోవటం మంచిది. భాగస్వామికుల మధ్య నూతన విషయాలు చర్చకు వస్తాయి. ఏదైనా అమ్మకానికై చేయు ప్రయత్నం వాయిదా వేయడం మంచిది. గృహోపకరణాలు కొనుగోలు చేస్తారు. కోర్టు వ్యవహారాలు వాయిదా పడటం మంచిది. స్నేహితులతో విభేదాలు తలెత్తుతాయి.
కుంభం : ట్రాన్స్‌పోర్ట్, ఆటోమొబైల్, మెకానికల్ రంగాల వారికి మిశ్రమ ఫలితం. చేపట్టిన పనులలో ఓర్పు, అధిక శ్రమ చాలా అవసరం. సాహిత్య సదస్సులలోను, బృంద కార్యక్రమాల్లోనూ పాల్గొంటారు. కాంట్రాక్టర్లకు అధికారులతో మెలకువ అవసరం. నూతన వ్యక్తుల కలయిక మీ పురోభివృద్ధికి తోడ్పడుతుంది. దంపతుల మధ్య చికాకులు తప్పవు.
మీనం : ఉపాధ్యాయులకు అధిక శ్రమ, ఒత్తిడి తప్పవు. ప్రేమికుల మధ్య అనుమానాలు తొలగిపోతాయి. విద్య, ఉద్యోగయత్నాలలో అభివృద్ధి చెందుతారు. స్థిరాస్తి అమ్మకం చేయాలనే మీ ఆలోచన కొంతకాలం వాయిదా వేయటం మంచిది. రాబడికి మించి ఖర్చులు అధికం. దూర ప్రయాణాలు సంభవం. తలచిన పనులు నెరవేరి మీ కోరికలు తీరగలవు.
