హాలీవుడ్ చిత్రం ‘అవెంజర్స్ : ఎండ్‌గేమ్’ సంచలనాలకు మారుపేరుగా మారింది. అత్యాధునిక సాంకేతిక పరిజ్ఞానంతో నిర్మించిన ఈ చిత్రం వెండితెరపై అద్భుతాలు సృష్టిస్తోంది.
ముఖ్యంగా హాలీవుడ్ సినిమాలు ప్రయోగాత్మకంగా రూపొందుతూ ప్రపంచవ్యాప్తంగా వున్న ప్రేక్షకులను ఆశ్చర్యచకితులను చేస్తున్నాయి. ఈ క్రమంలో ఏప్రిల్ 26వ తేదీన భారత్‌లో విడుదలైన ‘అవెంజర్స్ : ఎండ్‌గేమ్’ వసూళ్ల పరంగా సంచలనాలను నమోదు చేస్తోంది.
ఈ చిత్రంలో ఒక్క భారత్‌లో కేవలం 4 రోజుల్లోనే రూ.200 కోట్ల రూపాయలను వసూలు చేసింది. 4 రోజుల్లో 224.50 కోట్ల గ్రాస్‌ను వసూలు చేసిన ఈ సినిమా విశ్లేషకులను సైతం విస్మయులను చేసింది.
భారత్‌లో అతి తక్కువ సమయంలో రూ.200 కోట్ల క్లబ్‌లో చేరిన ‘బాహుబలి’.. ‘2.0’ సినిమాల జాబితాలో ‘అవెంజర్స్ : ఎండ్‌గేమ్’ కూడా చోటుదక్కించుకుంది. ఈ చిత్రం ఒక్క భారత్‌లోనే రూ.350 నుంచి రూ.400 కోట్లు రాబట్టే అవకాశం ఉందని సినీ విశ్లేషకులు అంచనా వేస్తున్నారు.
