‘మహానటి’ చిత్రం ద్వారా మంచి గుర్తింపు పొందిన హీరోయిన్ కీర్తి సురేష్. ఈ చిత్రం తర్వాత ఈ అమ్మడు ఆచితూచి అడుగులు వేస్తోంది. ఈ ఒక్క చిత్రం ద్వారా వచ్చిన పేరును చెడగొట్టుకోకుండా ముందుకుసాగుతోంది.
ఈ క్రమంలో మిగిలిన హీరోయిన్ల తరహాలో వివాహ యాత్ర కోసం ఈ అమ్మడు కూడా బయలుదేరింది. సినిమా షెడ్యూల్స్ నుండి బ్రేక్ తీసుకుని కొంద‌రు విదేశాల‌కు వెళుతుంటే.. మ‌రి కొంద‌రు షెడ్యూల్ చిత్రీక‌ర‌ణలో భాగంగా విదేశాల‌కు వెళుతున్నారు.
ఈ రెండు కోవ‌కు చెందిన వారిలో కీర్తి సురేష్ చేర‌నుంది. ‘మహానటి’ స‌క్సెస్ తర్వాత హీరోయిన్ ఓరియెంటెడ్ చిత్రాల‌కు కీర్తి సురేష్ ఓ ఆప్ష‌న్‌గా మారారు. అనుష్క, త్రిష, న‌య‌న‌తార, త‌మ‌న్నా వంటి హీరోయిన్స్ తర్వాత.. చాలా మంది దర్శ‌కులు హీరోయిన్ సెంట్రిక్ చిత్రాల కోసం కీర్తి సురేష్‌ను సంప్ర‌దిస్తున్నారు.
‘మహానటి’ తర్వాత కీర్తి సురేష్ తెలుగులో మ‌రో లేడీ ఓరియెటెండ్ చిత్రంలో న‌టిస్తోన్న సంగ‌తి తెలిసిందే. ఈస్ట్ కోస్ట్ ప్రొడ‌క్ష‌న్స్ బ్యాన‌ర్‌పై నిర్మిత‌మ‌వుతోన్న ఈ చిత్రం ద్వారా న‌రేంద్ర దర్శ‌కుడిగా ప‌రిచ‌యం అవుతున్నారు.
తాజా స‌మాచారం ప్ర‌కారం ఈ సినిమా కొత్త షెడ్యూల్ యూర‌ప్‌లో ప్రారంభం కానుంది. ఈ షెడ్యూల్‌లో 45 రోజుల పాటు చిత్రీక‌ర‌ణ జ‌ర‌గ‌నుంది. త్వ‌ర‌లోనే యూనిట్ అంతా యూర‌ప్ వెళ్ల‌నున్నారు. క‌మ‌ల్ కామ‌రాజు, న‌రేష్ వి.కె, రాజేంద్ర ప్ర‌సాద్‌, న‌దియా, భానుశ్రీ మెహ్ర ఈ చిత్రంలో కీల‌క పాత్ర‌ధారులుగా న‌టిస్తున్నారు.
