ప్రపంచ రికార్డులన్నీ మాయమైపోతున్నాయి. వేసవి సెలవుల్లో ప్రేక్షకుల ముందుకు వచ్చిన హాలీవుడ్ చిత్రం అవెంజర్స్ ఎండ్ గేమ్ హాలీవు్డ్ బాక్సాఫీస్ వద్ద కనకవర్షం కురిపిస్తోంది. ఈ చిత్రం అన్నివర్గాల ప్రేక్షకులను విశేషంగా ఆకట్టుకుంటోంది.
ప్రాంతాలకు భాషలకు అతీతంగా ఈ చిత్రం వసూళ్లపరంగా సరికొత్త రికార్డులను సృష్టిస్తోంది. ‘అవతార్’ రికార్డులను బద్దలు కొట్టాలనే పట్టుదలతో పరుగులు తీస్తోంది. ప్రపంచవ్యాప్తంగా ‘అవతార్’ రూ.19,321 కోట్లను వసూలు చేసింది. వసూళ్లపరంగా ఆ తర్వాత స్థానంలో ‘స్టార్ వార్స్’ వుంది.
ఇకపోతే, అలెంజర్స్ ఎండ్ గేమ్ చిత్రం ఇప్పటికే రూ.12,590 కోట్లను వసూలు చేసింది. ఈ వారాంతంలో ‘స్టార్ వార్స్’ రికార్డును అధిగమించే అవకాశాలు పుష్కలంగా ఉన్నాయని చెబుతున్నారు. ఇక ఇండియా బాక్సాఫీస్ దగ్గర తొలిరోజునే రూ.50 కోట్లను రాబట్టిన ఈ సినిమా, ఐదో రోజు నాటికి రూ.200 కోట్లు .. 10వ రోజు నాటికి రూ.300 కోట్లను కొల్లగొట్టేసింది. ప్రస్తుతం ఈ సినిమా రూ.400 కోట్ల క్లబ్ దిశగా పరుగులు తీస్తోంది.
