పెళ్లి చూపులు చిత్రంతో మంచి పేరుతో పాటు గుర్తింపును సొంతం చేసుకున్న దర్శకుడు తరుణ్ భాస్కర్. ఈ చిత్రంలో టాలీవుడ్ సంచలనం విజయ్ దేవరకొండ హీరో. ఈ ఒక్క చిత్రంతోనే తరుణ్ భాస్కర్ ఓవర్ నైట్ స్టార్ డైరెక్టరుగా మారిపోయారు. అలాగే, విజయ్ దేవరకొండ కూడా.
ఈ చిత్రం తర్వాత అంతా కొత్త వాళ్ళతో ‘ఈనగరానికి ఏమైంది’ అనే చిత్రాన్ని తెరకెక్కించాడు. అయితే ఈచిత్రం అంచనాలను అందుకోలేకపోయింది. దాంతో ఇప్పుడు ఈడైరెక్టర్ హీరో అవతరమెత్తనున్నాడు.
విజయ్ దేవరకొండ ప్రొడక్షన్‌లో తరుణ్ భాస్కర్ హీరోగా పరిచయం కానున్నాడు. ఇక ఈ సినిమాలో కోలీవుడ్ బ్యూటీ వాణి భోజన్ హీరోయిన్‌గా నటిస్తుంది. తెలుగులో ఆమె కు ఇదే మొదటిసినిమా. త్వరలోనే ఈ చిత్రం గురించి మరిన్ని వివరాలు వెలుబడనున్నాయి.
