ఒకపుడు కర్ణాటక రాష్ట్రంలోని ప్రాంతీయ పార్టీల్లో ఒకటిగా ఉన్న జేడీఎస్‌లో అత్యంత కీలక నేత సిద్ధరామయ్య. ఆ తర్వాత ఆయన ఆ పార్టీకి గుడ్‌బై చెప్పి.. కాంగ్రెస్ పార్టీలో చేరి రాష్ట్ర ముఖ్యమంత్రిగా పని చేశారు.
బీజేపీ ఎమ్మెల్యే, మాజీ డిప్యూటీ సీఎం ఆర్.అశోక్ ఇటీవల మాట్లాడుతూ.. సిద్ధరామయ్య జేడీఎస్‌ను వీడి కాంగ్రెస్‌లో ఎందుకు చేరారోనని ప్రశ్నించారు. ఆయన ప్రశ్నకు సిద్ధరామయ్య సమాధానమిచ్చారు. తాను జేడీఎస్‌ను వీడలేదని, మాజీ ప్రధాని, ఆ పార్టీ అధినేత దేవెగౌడ తనను పార్టీ నుంచి బహిష్కరించారని గుర్తుచేశారు.
‘నేను జేడీఎస్ నుంచి ఎందుకు బయటకు వచ్చానని బీజేపీ నేతలు అడుగుతున్నారు. నేడు జేడీఎస్‌ను విడిచిపెట్టలేదు. మీరు నిజం తెలుసుకోవాలి. నన్ను ఆ పార్టీ బహిష్కరించింది. నేను ‘అహింద’ కార్యకలాపాలకు పాల్పడుతున్నానని, మాజీ ప్రధాని, జేడీఎస్ అధినేత దేవెగౌడ నన్ను పార్టీ నుంచి బహిష్కరించారు. ఇప్పటికైనా మీరు నమ్ముతారని నేను అనుకుంటున్నాను’ అని సిద్ధరామయ్య అన్నారు.
