సాధారణంగా కాలాలతో సంబంధం లేకుండా పిల్లల నుంచి పెద్దల వరకు పొడిదగ్గు వస్తుంది. శ్వాస క్రియలకు ఆటంకం ఏర్పడినప్పుడు దగ్గు వస్తుంది. ఇది ఎక్కువగా వాతావరణ మార్పుల కారణంగానే వస్తుంది. ముఖ్యంగా కూల్‌డ్రింక్స్‌ను ఎక్కువగా తాగడం వల్ల వస్తుంది. ఈ పొడిదగ్గు త్వరగా తగ్గాలంటే చిన్నపాటి చిట్కాలు పాటిస్తే సరిపోతుంది. అవేంటంటే..
* వంటింట్లో ఉండే పసుపును చిటికెడు తీసుకుని దానికి నిమ్మరసం, తేనె కలిపి ఆ మిశ్రమాన్ని మూడు పూటలా తీసుకుంటే తక్షణ ఉపశమనం లభిస్తుంది.
* అర టీ స్పూన్ శొంఠి పొడిని ఒక టీ స్పూన్ తేనెలో కలిపి తీసుకుంటే దగ్గు నుంచి ఉపశమనం లభిస్తుంది. అలాగే, పొడిదగ్గుతో ఇబ్బంది పడుతున్నప్పుడు తక్షణ నివారణగా అల్లం తీసుకుంటే ఎంతో రిలీఫ్ పొందవచ్చు.
* కరక్కాయ కూడా పొడి దగ్గును తగ్గించడంలో దోహద పడుతుంది. కరక్కాయ ముక్కను బుగ్గన పెట్టుకొని ఆ రసాన్ని మింగుతుంటే పొడి దగ్గు వెంటనే తగ్గిపోతుంది. పాలలో మిరియాల పొడి వేసుకొని తాగితే దగ్గు నుండి ఉపశమనం పొందవచ్చు.
* పొడి దగ్గుతో భాదపడుతూ ఉంటే అర టీ స్పూన్ ఇంగువపొడి, ఒక టీ స్పూన్ తాజా అల్లం రసం, ఒక టేబుల్ టీ స్పూన్ తేనెల‌ను బాగా కలిపి ఆ మిశ్రమాన్ని రోజుకు రెండు పూటలా తీసుకోవడం వల్ల దగ్గును తగ్గించుకోవచ్చు.
* తులసి ఆకులను వేడి నీటిలో వేసి బాగా మరిగించి ఆ కషాయాన్ని తాగడం ద్వారా దగ్గును తగ్గించుకోవచ్చు. తమలపాకుల‌ను నమలడం వల్ల కూడా పొడి దగ్గు నుంచి విముక్తి పొందవచ్చు.
