టాలీవుడ్ ప్రిన్స్ మహేశ్ బాబు నటించిన తాజా చిత్రం “మహర్షి”. వంశీ పైడిపల్లి దర్శకత్వం వహించిన ఈ చిత్రంలో బాలీవుడ్ భామ పూజా హెగ్డే, అల్లరి నరేశ్‌లు నటించగా, దిల్ రాజు, అశ్వినీదత్, పొట్లూరి వరప్రసాద్‌లు ఈ చిత్రాన్ని సయుక్తంగా నిర్మించారు.
ఈనెల 9వ తేదీన విడుదలైన ఈ చిత్రం ‘మహర్షి’ బాక్సాఫీసు వద్ద కాసుల వర్షం కురిపిస్తోంది. ఫలితంగా విడుదలైన నాలుగు రోజుల్లో రూ.100 కోట్ల గ్రాస్ వసూళ్లు చేసినట్లు ట్రేడ్ వర్గాలు ప్రకటించాయి. ఈ చిత్రంలో రైతులకు సంబంధించిన సన్నివేశాలు ప్రేక్షకులను బాగా ఆకట్టుకున్నాయి. అటు మహేశ్ నటనపై కూడా ప్రశంసలు వెల్లువెత్తాయి.
