యువ హీరో యష్ హీరోగా నటించిన చిత్రం “కేజీఎఫ్”. ఊహించని విజయం సాధించిన ఈ కన్నడ చిత్రం బాక్సాఫీస్ వద్ద కలెక్షన్ల వర్షం కురిపించింది. మైనింగ్ మాఫియా ఇతివృత్తంగా చేసుకుని ఈ చిత్రాన్ని నిర్మించారు. ఇది కన్నడ, తెలుగు భాషల్లో సూపర్ డూపర్ హిట్ సాధించింది.
ప్రస్తుతం ఈ చిత్రం సీక్వెల్ “కేజీఎఫ్-2″ను తెరకెక్కిస్తున్నారు. ప్రశాంత్ నైల్ దర్శకత్వం వహించే ఈ చిత్రంలో 1951 నాటి నుంచి ఇప్పటివరకు జరిగిన పరిణామాలను ఇందులో చూపించనున్నారు. ఈ రెండో భాగంగా భారత మాజీ ప్రధాని ఇందిరా గాంధీ పాత్ర కూడా ఉండనుంది.
ఈ పాత్రలో బాలీవుడ్ సీనియర్ నటి రవీనా టాండన్ పేరును పరిశీలిస్తున్నారట. నిజానికి ఇటీవల “ఎన్టీఆర్ కథానాయకుడు” వంటి చిత్రాల్లో ఇందిరా గాంధీ పాత్రను సుప్రియా వినోద్ పోషించారు. కానీ, ప్రశాంత్ నైల్ మాత్రం ఆ పాత్రకు రవీనా టాండన్‌ను ఎంపిక చేయనున్నారు. ఈ చిత్రం డిసెంబరులో ప్రేక్షకుల ముందుకురానుంది.
