హైదరాబాద్‌: అగ్ర కథానాయకుడు మహేశ్‌బాబు ‘the HUMBL co’ పేరుతో తన సొంత బ్రాండ్‌ను స్థాపించారు. ఇటీవల మహేశ్‌ టీం http://www.spoyl.in/mahesh-babu అనే లింక్‌ను షేర్‌ చేసిన సంగతి తెలిసిందే. ఇందులో ఫ్యాన్స్‌ లాగిన్‌ ద్వారా మహేశ్‌ ఫొటో, పక్కనే ఉన్న బ్రాండ్‌ పేరు రివీల్‌ అవుతూ వచ్చాయి. కాగా ఇప్పుడు బ్రాండ్‌ పేరు పూర్తిగా బహిర్గతం అయ్యింది. ఈ నేపథ్యంలో మహేశ్‌ ట్వీట్‌ చేశారు. ‘ఇవాళ మా HUMBL రివీల్‌ అయ్యింది. మీ అద్భుతమైన స్పందనకు ధన్యవాదాలు. మా పరంగా The HUMBL Co అనేది కేవలం ఓ క్లాథింగ్‌ మాత్రమే కాదు.. అది జీవనశైలి. ఈ ఫ్యామిలీలోకి మిమ్మల్ని ఆహ్వానిస్తున్నా. ఆగస్టు 7న The HUMBL Co ప్రారంభం కాబోతోంది’ అని ఆయన ట్వీట్‌ చేశారు.
మహేశ్‌ ప్రస్తుతం ‘సరిలేరు నీకెవ్వరు’ సినిమాలో నటిస్తున్నారు. అనిల్‌ రావిపూడి దర్శకుడు. రష్మిక కథానాయిక. ఇటీవల ఈ చిత్రం కశ్మీర్‌ షెడ్యూల్‌ పూర్తయింది. మహేశ్‌ ఇందులో మేజర్‌ అజయ్‌ కృష్ణ పాత్రలో కనిపించనున్నారు. మరోపక్క ఈ సినిమా స్టిల్స్‌ లీక్‌ అయ్యాయి, ఆన్‌లైన్‌లో చక్కర్లు కొడుతున్నాయి.
