పొట్లకాయ , నువ్వులు పచ్చడి.

August 1, 2019

కావల్సినవి:

పొట్లకాయ ముక్కలు – కప్పు, నువ్వులు – చెంచా, ధనియాలు -అరచెంచా, ఎండుమిర్చి – ఏడెనిమిది, ఆవాలు – పావుచెంచా, పచ్చిమిర్చి – ఐదారు, జీలకర్ర -చెంచా, మినప్పప్పు, సెనగ పప్పు – అరచెంచా చొప్పున, పల్లీలు – చెంచా, మెంతులు – పావుచెంచా, చింతపండు – సగం నిమ్మకాయంత, కరివేపాకు రెబ్బలు – రెండుమూడు, కొత్తిమీర తరుగు – కొద్దిగా, నూనె – నాలుగు చెంచాలు, ఇంగువ – చిటికెడు, పసుపు – పావుచెంచా, ఉప్పు – తగినంత.

తయారీ:

బాణలిలో నూనె వేయకుండా నువ్వులూ, ధనియాలూ, పల్లీలూ, మెంతులూ వేయించుకుని ఓ గిన్నెలోకి తీసుకోవాలి. ఇప్పుడు రెండు చెంచాల నూనె వేడిచేసి ఎండుమిర్చీ, ఆవాలూ, జీలకర్రా, మినప్పప్పూ, సెనగపప్పూ, కరివేపాకూ వేయించుకుని విడిగా తీసుకోవాలి. అదే బాణలిలో మిగిలిన నూనె వేడిచేసి పొట్లకాయ ముక్కలూ, పచ్చిమిర్చీ, చింతపండూ, ఇంగువా, పసుపూ వేసుకుని బాగా కలిపి మూతపెట్టి, మగ్గనివ్వాలి. అయితే మరీ మెత్తగా కాకుండా చూసుకుని దింపేయాలి. మిక్సీలో ముందుగా వేయించుకున్న నువ్వులూ, ధనియాలూ, పల్లీలూ, మెంతులతో పాటూ ముప్పావు వంతు తాలింపు తీసుకుని తగినంత ఉప్పు వేసి మెత్తగా పొడి చేసుకోవాలి. అందులోనే ముందుగా వేయించిపెట్టుకున్న పొట్లకాయ ముక్కలూ, పచ్చి మిర్చీ, చింతపండూ, కొత్తిమీర తరుగూ వేసుకుని మరోసారి మిక్సీ పట్టి ఓ గిన్నెలోకి తీసుకోవాలి. చివరగా ముందుగా తీసి పెట్టుకున్న తాలింపును ఇందులో కలిపితే సరిపోతుంది.

Latest article

EDITOR PICKS

POPULAR POSTS

POPULAR CATEGORY