కొత్తూరు : విద్యాబుద్ధులు చెప్పాల్సిన గురువు ఓ విద్యార్థినితో అసభ్యంగా ప్రవర్తించిన సంఘటన బుధవారం వెలుగు చూసింది. మండలంలోని ఓ జిల్లా పరిషత్తు ఉన్నత పాఠశాలకు చెందిన చెందిన ఉపాధ్యాయుడు సమాజంలో తలదించుకునేలా వ్యవహరించాడు. విద్యార్థిని తనకు పుస్తకాలు కావాలని అడగడంతో ఆ ఉపాధ్యాయుడు మంగళవారం పాఠశాల సమయంలోనే ఆమెను పుస్తకాల గదిలోకి పిలిచాడు. అడిగిన పుస్తకాలు లేవని, మరోసారి ఇస్తానని చెబుతూనే అసభ్యంగా ప్రవర్తించాడు. దీంతో బాలిక తీవ్రంగా ఆవేదనతో ఇంటికి వెళ్లి తల్లిదండ్రులకు విషయాన్ని తెలియజేసింది. దీనిపై ఆగ్రహంతో తల్లిదండ్రులు, గ్రామస్థులు ఉపాధ్యాయుడికి గట్టిగా బుద్ధి చెప్పాలని బుధవారం పాఠశాలకు చేరుకున్నారు. ఈ విషయాన్ని ముందుగానే గ్రహించిన అతను పాఠశాలకు నుంచి వెళ్లిపోయినట్లు తెలిసింది. సమాచారం తెలుసుకున్న పోలీసులు సైతం పాఠశాలకు వెళ్లి వివరాలను సేకరించినట్లు తెలిసింది. ఈ సంఘటనపై ప్రధాన ఉపాధ్యాయులకు, పోలీసులకు ఎటువంటి ఫిర్యాదు అందలేదు.
