మెగాస్టార్ చిరంజీవి 151వ చిత్రం `సైరా నరసింహారెడ్డి`. తొలి స్వాతంత్ర్య సమరయోధుడు ఉయ్యాలవాడ నరసింహారెడ్డి జీవితగాథను ఆధారంగా చేసుకుని ఈ సినిమాను రూపొందిస్తున్నారు. సురేందర్ రెడ్డి దర్శకుడు. రామ్‌చరణ్ నిర్మాత. రానున్న స్వాతంత్ర్య దినోత్సవాన్ని పురస్కరించుకుని ఆగస్ట్ 15న అభిమానులకు, ప్రేక్షకులకు `సైరా నరసింహారెడ్డి` మేకింగ్ వీడియో విడుదల చేయనుంది. రేపు మధ్యాహ్నం 3గంటల 45 నిమిషాలకు ఈ వీడియో విడుదలకానుంది. గాంధీ జయంతి సందర్భంగా అక్టోబర్ 2న ఈ సినిమాను విడుదల చేయటానికి సన్నాహాలు చేస్తున్నారని సమాచారం. బాలీవుడ్ సూపర్ స్టార్ అమితాబ్ బచ్చన్, విజయ్ సేతుపతి, కిచ్చాసుదీప్, నయనతార, జగపతిబాబు, రవికిషన్, తమన్నా, నిహారిక తదితరులు ఈ చిత్రంలో కీలక పాత్రల్లో నటిస్తున్నారు.
