రాజ్‌తరుణ్‌ హీరోగా శ్రీ సత్యసాయి ఆర్ట్స్ పతాకంపై కె.కె. రాధామోహన్‌ నిర్మిస్తున్న చిత్రం ‘ఒరేయ్… బుజ్జిగా’. మాళవికా నాయర్‌ హీరోయిన్‌. ‘గుండెజారి గల్లంతయ్యిందే’ ఫేమ్‌ కొండా విజయ్‌కుమార్‌ దర్శకత్వం వహిస్తున్న ఈ సినిమా చిత్రీకరణ మంగళవారం ప్రారంభమైంది. నిర్మాత కె.కె. రాధామోహన్‌ మాట్లాడుతూ ‘‘మా సంస్థలో ‘ఏమైంది ఈవేళ’, ‘అధినేత’, ‘బెంగాల్‌ టైగర్‌’, ‘పంతం’ తర్వాత ‘ఒరేయ్… బుజ్జిగా’ మరో హిట్ చిత్రం అవుతుంది. నాన్‌స్టాప్‌గా షూటింగ్ చేసి, సింగిల్‌ షెడ్యూల్‌లో చిత్రాన్ని పూర్తి చేస్తాం’’ అన్నారు. వాణి విశ్వనాథ్‌, నరేశ్‌, సప్తగిరి, రాజా రవీంద్ర తదితరులు నటిస్తున్న ఈ చిత్రానికి అనూప్‌ రూబెన్స్‌ స్వరకర్త.
“రాజ్ తరుణ్, కొండా విజయ్‌కుమార్‌ కాంబినేషన్ లో మా శ్రీ సత్య సాయి ఆర్ట్స్ ‘ప్రొడక్షన్ నెం 8’ ప్రారంభించాం. ఈ చిత్రానికి ‘ఒరేయ్.. బుజ్జిగా’ అనే టైటిల్ కన్ఫర్మ్ చేశాం. ఈ రోజు నుండి నాన్ స్టాప్ గా షూటింగ్ జరుగుతుంది. మా బ్యానర్ లో ‘ఒరేయ్.. బుజ్జిగా’ మరో మంచి హిట్ చిత్రం అవుతుంది“ అన్నారు .
