టీవీ9 మాజీ సీఈవో రవిప్రకాష్ చంచల్‌గుడా జైలు నుంచి విడుదలయ్యారు. శుక్రవారం ఆయనకు బెయిల్ మంజూరు చేస్తూ హైకోర్టు ఆదేశాలిచ్చింది. దీంతో్ ఆయన ఇవాళ జైలు నుంచి విడుదలయ్యారు. రవిప్రకాష్ కు కుకట్ పల్లి కోర్టు బెయిల్ మంజూరు చేయాలని హైకోర్టు ఆదేశించింది. పదిహేనువేల పూచికత్తు ,ఇతర షరతులతో బెయిల్ మంజూరు చేసింది. నిధుల గోల్మాల్ సంబంధించి ఒక కేసు నమోదు కాగా టీవీ9 లో ఫండ్‌ను అనధికారికంగా తరలించారన్న ఆరోపణలపై రవి ప్రకాష్‌పై మరో కేసు నమోదైంది. దీంతో పాటు గతంలో టీవీ9 ఆఫీసుకు వెళ్లిన పోలీసులకు విధులకు ఆటంకం కలిగించారన్న అభియోగాలు కూడా రవిప్రకాష్‌పై ఉన్నాయి. ఈ రెండు కేసులు సంబంధించి అతని పైన ఇప్పటికే 41 సీఆర్పీసీ నోటీసులిచ్చారు. ఐటీ యాక్ట్ కింద కేసు సీసీఎస్ పోలీసులు ఈ కేసు పెట్టినట్టు సమాచారం. దీంతో ఆయనను అరెస్ట్ చేసిన పోలీసులు చంచల్ గూడ జైలుకు తరలించారు. కోర్టు తాజాగా బెయిల్ మంజూరు చేయడంతో జైలు నుంచి విడుదలయ్యారు
