సూపర్ స్టార్ మహేష్ బాబు ప్రస్తుతం ‘సరిలేరు నీకెవ్వరు’ షూటింగ్‌లో బిజీగా గడుపుతున్నారు. ఈ సినిమా షూటింగ్ ప్రస్తుతం హైదరాబాద్‌లోని రామోజీ ఫిల్మ్ సిటీలో జరుగుతుంది. మహేష్ బాబు.. ఫస్ట్ టైమ్ ఒక ఆర్మీ మేజర్ అజయ్ కృష్ణ పాత్రలో నటిస్తున్నాడు. ‘సరిలేరు నీకెవ్వరు’లో మహేష్ బాబు సరసన రష్మిక మందన్న హీరోయిన్‌గా నటిస్తోంది. ఒకప్పటి లేడీ సూపర్ స్టార్ విజయ్ శాంతి ఈ సినిమాతో నటిగా రీ ఎంట్రీ ఇస్తోంది. ఇప్పటికే ఈ సినిమా కోసం కర్నూలులోని కొండా రెడ్డి బురుజు సెట్‌ను రామోజీ ఫిల్మ్ సిటీలో రీ క్రియేట్ చేసారు.
అది అలా ఉంటే.. ఈ మధ్య మహేష్ ఏ మంచి చిత్రాన్ని వదలకుండ చూస్తున్నారు. దానిపై ఆయన స్పందిస్తున్నారు. గతంలో ఆయన అసురన్ సినిమా చాలా బాగుందని మెచ్చుకున్న సంగతి తెలిసిందే. మరో సారి మహేష్ ఓ చిత్రంపై ప్రశంసలు గుప్పించారు. గతవారం విడుదలైన ఖైదీ చిత్రం పై ట్విట్టర్ వేదికగా ప్రసంశించారు. ఖైదీ.. కొత్త తరహా చిత్రం అని.. అద్భుత నటనతో పాటు అదిరిపోయే ఫైట్స్.. దీనికి తోడు పాటలు లేకుండా సినిమా రావడం.. అది మంచి అవ్వడం ఆహ్వానించదగ్గ మార్పు అని మహేష్ ఖైదీ చిత్ర బృందాన్ని కొనియాడారు. కార్తీ ప్రధాన పాత్రలో ఖైదీ అటు తమిళం ఇటు తెలుగులో కూడా మంచి హిట్ టాక్‌ను సొంతం చేసుకుంది.
