అవును ఇది నిజం..హీరోయిన్‌గా అనుష్క శెట్టికి స్టార్ డమ్ తీసుకొచ్చిన సినిమాల్లో ‘అరుంధతి’ సినిమాకే అగ్రస్థానం ఉంటుంది. అరుంధతిగా అనుష్క రెండు పాత్రల్లో పరకాయ ప్రవేశం చేసింది. పునర్జన్మల నేపథ్యంలో తెరకెక్కిన ఈ సినిమాలో అనుష్క వైవిధ్య నటన అన్ని వర్గాల ప్రేక్షకులను అలరించింది. ఈ సినిమాలో క్షుద్ర శక్తులను వశం చేసుకున్న అఘోర పశుపతిగా సోనూసూద్ ఈ సినిమాలో అదరగొట్టారు. ఐతే ఈ సినిమాలో ‘అరుంధతి’ పాత్ర కోసం ముందుగా అనుకున్నది అనుష్క కాదట. దర్శకుడు కోడిరామకృష్ణతో పాటు నిర్మాత శ్యాం ప్రసాద్ రెడ్డి ఈ పాత్ర కోసం ముందుగా మంచు లక్ష్మీని అనుకున్నారు. ఆమె అమెరికాలో ఉండటంతో డేట్స్ కుదరక ఈ పాత్ర ఆమె చేయలేకపోయారు. ఆ తర్వాత అరుంధతి పాత్ర కోసం మమత మోహన్ దాస్‌ను అనుకున్నారు. కానీ క్యాన్సర్ కారణంగా ఆమె సినిమా చేయలేనని చెప్పింది. ఆ తర్వాతే ఈ పాత్ర అనుష్క దగ్గరకు వచ్చిందట. అది కూడా అంత ఈజీగా రాలేదని సమాచారం. ఆ తర్వాతనే అనుష్కను అరుంధతి పాత్ర కోసం తీసుకున్నారు. ఇక వెండితెరపై జేజెమ్మ అరుంధతిగా అనుష్క విశ్వరూపం గురించి సెపరేట్‌గా చెప్పాల్సిన పనిలేదు. ఆ తర్వాత రెండేళ్లకు మంచు లక్ష్మీ..‘అనగనగా ఒక ధీరుడు’ సినిమాలో ఐరేంద్రిగా తన నటనతో మెప్పించిన సంగతి తెలిసిందే కదా.
