యాంక‌ర్లే క‌దా.. ఏం సంపాదిస్తారులే అనుకుంటున్నారా..? ఒక్క‌సారి వాళ్ల రెమ్యున‌రేష‌న్ తెలిస్తే.. వాళ్ళు నెల‌కు సంపాదించే లెక్క తెలిస్తే కొంద‌రు గుండె కూడా ఆగిపోతుంది. ఇప్పుడు ఇండ‌స్ట్రీలో ఉన్న కొంద‌రు హీరోయిన్ల కంటే కూడా మ‌న ద‌గ్గ‌ర స్టార్ యాంక‌ర్లు ఎక్కువ‌గా సంపాదిస్తున్నారు. ఇది న‌మ్మ‌డానికి కష్టంగా అనిపించినా కూడా న‌మ్మి తీరాల్సిన నిజాలు. అంద‌రి సంపాద‌న అలాగే ఉంటుంద‌నుకోవ‌డం అత్యాశే అయినా కూడా కొంద‌రు మాత్రం బాగానే వెన‌కేసుకుంటున్నారు. ముఖ్యంగా జబర్దస్త్ యాంకర్స్ ఈ లిస్టులో అగ్రస్థానంలో ఉన్నారు.
నెల‌నెలా బ్యాంక్ బ్యాలెన్స్ ల‌క్ష‌ల‌కు ల‌క్ష‌లు నింపేసుకుంటున్నారు. అయితే వాళ్ల క‌ష్టం కూడా అదే స్థాయిలో ఉంటుంది. ఇప్పుడు తెలుగు ఇండ‌స్ట్రీలో నెం 1 యాంక‌ర్ ఎవ‌రు అంటే మ‌రో ఆలోచ‌న లేకుండా ఎవ‌రైనా చెప్పే మాట సుమ క‌న‌కాల. ఆరేళ్ళ పిల్లాడు కూడా త‌డుముకోకుండా సుమ పేరు చెబుతాడు. ఈమె ఇప్ప‌టికీ ప్ర‌తీ రోజూ వివిధ ఛానెల్స్ లో రియాలిటీ షోస్ కు తోడు.. ఆడియో వేడుక‌ల‌కు కూడా వ్యాఖ్యాత‌గా ఉంటుంది. ఒక్కో ఆడియో ఫంక్ష‌న్‌కు దాదాపు 2 నుంచి 2.5 ల‌క్ష‌ల వ‌ర‌కు సుమ వ‌సూలు చేస్తుంద‌ని తెలుస్తుంది. ఇది కేవ‌లం ఆడియో వేడుక‌ల‌కు మాత్ర‌మే.. అవార్డు ఫంక్ష‌న్ అయితే రేట్ మ‌రోలా ఉంటుంది.
బేసిగ్గా మల‌యాళీ అయినా కూడా తెలుగ‌మ్మాయిల కంటే తెలుగు అన‌ర్ఖ‌లంగా మాట్లాడుతుంది సుమ. ఇదే ఆమెకు శ్రీ‌రామ‌ర‌క్ష. పైగా ప్ర‌తీ ఇంటి మ‌నిషిగా మారిపోయింది సుమ క‌న‌కాల. ఈమె త‌ర్వాత తెలుగులో అన‌సూయ‌కు కూడా ఇదే రేంజ్ డిమాండ్ ఉంటుంది. గ్లామ‌ర్ షోతో మ‌తులు పోగొట్టే రంగ‌మ్మ‌త్త అంటే ప్రేక్ష‌కుల‌కు మోజే. ఈమె ఒక్కో ఈవెంట్‌కు దాదాపు 2 ల‌క్ష‌లు ఛార్జ్ చేస్తుంద‌నే ప్ర‌చారం జ‌రుగుతుంది. ఈ మ‌ధ్య ఈవెంట్స్ చేయ‌డం మానేసిన అన‌సూయ.. టీవీ షోల‌తోనే బిజీగా ఉంది. దానికి తోడు సినిమాలు కూడా చేస్తుంది.
