ఇండియన్ ఎయిర్‌ఫోర్స్‌లో ఉద్యోగాలు కోరుకునేవారికి శుభవార్త. 249 ఖాళీల భర్తీకి ఇండియన్ ఎయిర్ ఫోర్స్ నోటిఫికేషన్ జారీ చేసింది. ఎయిర్ ఫోర్స్ కామన్ అడ్మిషన్ టెస్ట్-AFCAT 2020 ద్వారా ఫ్లయింగ్ బ్రాంచ్, గ్రౌండ్ డ్యూటీ పోస్టుల్ని భర్తీ చేయనుంది. ఆన్‌లైన్ టెస్ట్, ఫిజికల్ ఫిట్‌నెస్ టెస్ట్, అడాప్టబిలిటీ టెస్ట్, మెడికల్ ఎగ్జామినేషన్, ఇంటర్వ్యూ ద్వారా ఎంపిక చేస్తారు. వారికి హైదరాబాద్‌లోని దుండిగల్‌లో గల ఎయిర్ ఫోర్స్ అకాడమీలో శిక్షణ ఉంటుంది. పెళ్లికాని యువతీయువకులే ఈ పోస్టులకు దరఖాస్తు చేయాలి. వేర్వేరు పోస్టులకు విద్యార్హతలు, వయస్సు వేర్వేరుగా ఉన్నాయి. దరఖాస్తు చేసేముందు నోటిఫికేషన్‌ను పూర్తిగా చదివి అర్హతలు తెలుసుకోవాలి. దరఖాస్తు ప్రక్రియ ఇప్పటికే ప్రారంభమైంది. దరఖాస్తుకు డిసెంబర్ 31 చివరి తేదీ.
