టీడీపీ ఎంపీపై వైఎస్సార్‌సీపీ ఎమ్మెల్యే పొగడ్తలు కురిపించారు. ఇదేం విచిత్రమని షాకవ్వకండి.. దీని వెనుక మంచి కారణమే ఉంది. పార్టీలు వేరైనా తన నియోజకవర్గానికి ఎంపీ నిధుల నుంచి కొంత కేటాయించారని ఎమ్మెల్యే.. ఎంపీని ప్రశంసించారు. తాను అడిగిన వెంటనే నిధులు కేటాయించారని ఆనందాన్ని వ్యక్తం చేశారు. ఇంతకీ ఆ ఎమ్మెల్యే ఎవరు.. ఎంపీ ఎవరనే కదా మీ అనుమానం. ఆ ఎంపీ ఎవరో కాదు కేశినాని నాని.. మైలవరం ఎమ్మెల్యే వసంత కృష్ణప్రసాద్.
వసంత కృష్ణప్రసాద్ ఓ యూ ట్యూబ్ ఛానల్‌కు ఇంటర్వ్యూ ఇచ్చిన సందర్భంలో ఆసక్తికర వ్యాఖ్యలు చేశారు. కేశినేని నాని టీడీపీ ఎంపీ అయ్యుండచ్చు.. గతంలో ఆయన తనకు స్నేహితుడు అన్నారు వసంత కృష్ణప్రసాద్. ఆయనకు ఫోన్ చేసి తన నియోజకవర్గానికి కూడా నిధులు కావాలని.న. కోరానని ఆయన రూ.50లక్షలు పెట్టుకోమని చెప్పారని.. ఓ గ్రామంలో కమిటీ హాలుకు ఆ నిధులు కేటాయించానని చెప్పుకొచ్చారు.
