రామ్ చరణ్ ప్రస్తుతం RRR సినిమాతో బిజీగా ఉన్నాడు. ఈ చిత్ర షెడ్యూల్ ఓ అడవిలో వేగంగా జరుగుతుంది. చాలా సెక్యూరిటీ మధ్య రాజమౌళి అక్కడ కీలకమైన సన్నివేశాలు చిత్రీకరిస్తున్నాడు. ఈ మధ్యే ఎన్ని జాగ్రత్తలు తీసుకున్నా కూడా జూనియర్ ఎన్టీఆర్ సీన్స్ కొన్ని లీక్ అయ్యాయి. దీనిపై చిత్రయూనిట్‌కు కూడా క్లాస్ తీసుకున్నాడు రాజమౌళి. ఇదిలా ఉంటే తాజాగా రామ్ చరణ్ చిరంజీవి బుక్ లాంఛ్ వేడుకకు వచ్చాడు. ఇందులో ఆయన లుక్ కేక పెట్టిస్తుంది. ప్రస్తుతం చరణ్ న్యూ లుక్ వైరల్ అవుతుంది. మార్చ్ 27న చరణ్ బర్త్ డే కానుకగా ఫస్ట్ లుక్ విడుదల చేస్తారని తెలుస్తుంది. ఆ లోపే బయట కోర మీసాలతో కేక పెట్టిస్తున్నాడు మెగా వారసుడు.
కొన్ని రోజులుగా చరణ్, ఎన్టీఆర్ కాంబినేషన్ సీన్స్ చిత్రీకరిస్తున్నాడు దర్శకధీరుడు. మళ్లీ ఇప్పుడు RRR షూటింగ్ కోసం వెళ్తున్నాడు రామ్ చరణ్. మధ్యలో చిన్నపాటి బ్రేకులు తీసుకుని షెడ్యూల్ పూర్తి చేస్తున్నాడు రాజమౌళి. అప్పుడప్పుడూ అలా బయటికి వచ్చినపుడు మెగా పవర్ స్టార్ లుక్స్ కూడా నెట్టింట్లో బాగానే తిరుగుతున్నాయి. కోరమీసాలతో కిరాక్ పుట్టిస్తున్నాడు మెగా వారసుడు. కోర మీసాలతో ఇప్పటి వరకు ఎప్పుడూ లేనంత కొత్తగా కనిపిస్తున్నాడు మెగా వారసుడు.
ప్రస్తుతం ఈ లుక్.. ఆ ఫోటోలు బాగానే ట్రెండ్ అవుతున్నాయి. ఈ లుక్స్ చూసి అభిమానులు కూడా ఫిదా అవుతున్నారు. ఈ సినిమా తర్వాత వరసగా యంగ్ డైరెక్టర్స్‌తో సినిమాలకు కమిటయ్యే ఉద్ధేశ్యంలో ఉన్నాడు చరణ్. ఓ వైపు హీరోగా బిజీగా ఉండి.. మరోవైపు నిర్మాతగానూ రచ్చ చేస్తున్నాడు చరణ్. చిరంజీవి, కొరటాల సినిమాను ఈయనే నిర్మిస్తున్నాడు. ఈ చిత్ర షూటింగ్ ఇప్పటికే 40 శాతం పూర్తయింది. మహేష్ బాబు ఇందులో కీలక పాత్రలో నటిస్తున్నాడు. ఈయనకు 30 కోట్ల రెమ్యునరేషన్ ఇస్తున్నట్లు తెలుస్తుంది.
