గతేడాది నాని.. గౌతమ్ తిన్ననూరి దర్వత్వంలో చేసిన ‘జెర్సీ’ సినిమాతో మంచి హిట్టు అందుకున్నాడు. ఆ తర్వాత విక్రమ్ కుమార్ దర్శకత్వంలో చేసిన ‘గ్యాంగ్ లీడర్’ సినిమా బాక్సాఫీస్ దగ్గర సరైన ఫలితాన్ని రాబట్టలేకపోయింది. త్వరలోనే నాని.. ఇంద్రగంటి మోహనకృష్ణ దర్శకత్వంలో ‘V’అనే సినిమాతో వస్తున్నాడు. ఈ సినిమాలో నాని మొదటిసారి విలన్ పాత్రలో కనిపించనున్నాడు. ఈ చిత్రం ఉగాది కానుకగా విడుదల చేస్తున్నారు. ఈ సినిమాలో సుధీర్ బాబు మరో కథానాయకుడిగా నటిస్తున్నాడు. హీరోగా నానికి ఇది 25వ సినిమా. ఈ సినిమా తర్వాత నాని.. ‘నిన్నుకోరి’ వంటి రొమాంటిక్ లవ్ స్టోరీ అందించిన శివ నిర్వాణ దర్శకత్వంలో ‘టక్ జగదీష్’ అనే కొత్త సినిమాను అనౌన్స్ చేసిన సంగతి తెలిసిందే కదా. దాంతో పాటు తాజాగా ‘టాక్సీవాలా’ ఫేమ్ రాహుల్ సాంకృత్యాన్ దర్శకత్వంలో ‘శ్యామ్ సింగరాయ్’ సినిమాను అనౌన్స్ చేసాడు నాచురల్ స్టార్ నాని.
తాజాగా ఈ సినిమాకు సంబంధించిన స్టోరీ రూ. 50 లక్షలు పోసి కొన్నాడట. ఈ మధ్యకాలంలో ఈ సినిమాకైనా..కాపీ రైట్ ఇష్యూ ప్రాబ్లెమ్స్ వస్తున్నాయి. అందుకే ఈ కథను కొనేసాడట. ఈ స్టోరీని హైదరాబాద్‌లో ఓ ఆడియో కంపెనీలో పనిచేస్తోన్న మేనేజర్ వద్ద కొనుగోలు చేసాడట. నాని ఆయన చెప్పిన కథ నచ్చి వెంటనే కొనేసినట్టు సమాచారం. మరి నాని రూ. 50 లక్షలు పోసి కొన్న కథలో ఎంత నిజం ఉందో తెలియాలంటే నాని నోరు విప్పాల్సిందే.
