బాలీవుడ్ నుంచి టాలీవుడ్‌కి పాకింది బయోపిక్‌ల హవా. ఇప్పటికే అలనాటి తార సావిత్రి జీవిత కథ ఆధారంగా మహానటి సినిమా తెరకెక్కింది. ఈ సినిమా బంపర్ హిట్టైంది. ఇదే తరహాలో ఎన్టీఆర్ జీవిత కథ ఆధారంగా నాలుగో సినిమా రూపుదిద్దుకోనుంది. ఎన్టీఆర్ కథానాయకుడు ఇప్పటికే విడుదల కాగా, మహానాయకుడు విడుదలకు రెడీ అయ్యింది.. ఈ నేపథ్యంలోనే బాలకృష్ట సినిమాకు పోటీగా సీన్లోకి వచ్చేసింది రాంగోపాల్ వర్మ లక్ష్మీస్ ఎన్టీఆర్. అయితే, వర్మ సినిమాకు కౌంటర్‌గా లక్ష్మీస్ వీరగ్రంథం ప్లాన్ చేస్తున్నారు కేతిరెడ్డి జగదీశ్వర్‌రెడ్డి. అందులో లక్ష్మీ పార్వతిగా శ్రీరెడ్డిని ఎంపిక చేసినట్టు ప్రకటించి సంచలనం సృష్టించారు.
బాలకృష్ట నటించిన ఎన్టీఆర్ మహానాయకుడు సినిమాకు పోటీగా.. సంచలన దర్శకుడు రాంగోపాల్ వర్మ తెరకెక్కించిన ‘లక్ష్మీస్ ఎన్టీఆర్’ కూడా విడుదలకు సిద్ధమవుతోంది. ఇటీవల విడుదలైన ఈ సినిమా టీజర్.. ఓ రేంజ్‌లో వ్యూస్‌ను సొంతం చేసుకుంది. దీంతో సినిమాపై విపరీతమైన అంచనాలు పెరిగిపోయాయి.
ఒక రకంగా చెప్పాలంటే ఎన్టీఆర్ మహానాయకుడిని మించే అంచనాలు ఉన్నాయని టాక్ వస్తోంది. ఈ నేపథ్యంలో వర్మ ‘లక్ష్మీస్ ఎన్టీఆర్’ కు కౌంటర్‌గా లక్ష్మీ వీరగ్రంథం సినిమాను తెరెక్కించేందుకు సిద్ధమవుతున్నారు కేతిరెడ్డి జగదీశ్వర్ రెడ్డి. ఇంకా ఈ సినిమాలో శ్రీరెడ్డి వుందని చెప్పడంతో ఈ సినిమా వర్మకు కౌంటరిచ్చేందుకు సిద్ధమవుతున్నట్లు టాక్.
