బాలీవుడ్‌ హీరోయిన్లలో అలియా భట్ ఒకరు. ఈమె దర్శక ధీరుడు ఎస్ఎస్ రాజమౌళి దర్శకత్వంలో నటించే గొప్ప అవకాశాన్ని కొట్టేసింది. అదేసమయంలో కుర్రకారు మనసులను పొలోమంటూ కొల్లగొడుతూ ఆమె దూసుకుపోతోంది.
మార్చి 15వ తేదీన ఆమె తన పుట్టినరోజు వేడుకను జరుపుకుంది. ఈ సందర్భంగా ఆమె తీసుకున్న నిర్ణయమే ఇప్పుడు బాలీవుడ్లో హాట్ టాపిక్ గా మారింది. అలియా భట్ కారు డ్రైవర్‌గా ‘సునీల్’.. ఆమె పనిమనిషిగా ‘అమోల్’ చాలా కాలంగా పనిచేస్తున్నారు. తన దగ్గర చాలా కాలంగా.. చాలా నమ్మకంగా పనిచేస్తోన్న ఈ ఇద్దరికీ, ఈ పుట్టినరోజు సందర్భంగా చెరో గిఫ్ట్ ఇవ్వాలని అలియాభట్ నిర్ణయించుకుందట.
ఇద్దరికీ కూడా చెరో 50 లక్షలు పెట్టి ఇల్లు కొనిపెట్టేసింది. ఆ ఇద్దరి కోసం ఆమె అలా కోటి రూపాయలను ఖర్చు చేయడం బాలీవుడ్లో హాట్ టాపిక్‌గా మారింది. ఆమె మంచి మనసును గురించి అంతా చెప్పుకుంటున్నారు.
