యాంకర్ శ్యామల రాజకీయాల్లోకి రావటం.. అందులోనూ వైకాపాలో పార్టీలో చేరటంతో బుల్లితెర షాక్ అయ్యింది. ఎవరూ ఊహించని విధంగా ఈ నిర్ణయం ఉందని అంటున్నారు ఇతర నటీనటులు. రాజకీయాల్లోకి రావటంపై శ్యామల స్పందించారు. జగన్ విధానాలు నచ్చి పార్టీలో చేరినట్లు వెల్లడించారు. వైఎస్ఆర్ కాంగ్రెస్ పార్టీ తరపున ప్రచారం చేయనున్నట్లు ప్రకటించారు.
హైదరాబాద్‌లోని లోటస్ పాండ్‌లో పార్టీ కండువా కప్పి జగన్మోహన్ రెడ్డి ఆమెను పార్టీలోకి ఆహ్వానించారు. ఈ సందర్భంగా ఆమె మాట్లాడుతూ, ఏపీ రాజకీయాల్లో ప్రజలు మార్పు కోరుకుంటున్నారని.. జగన్ సీఎం కావటం ఖాయం అంటూ ధీమా వ్యక్తం చేశారు యాంకర్ శ్యామల. రాజకీయాల్లోనూ క్రీయాశీలకంగా పాల్గొంటానని వెల్లడించారు. రాజకీయాల్లోకి యువత రావాల్సిన అవసరం ఉందని పిలుపునిచ్చారు.
