ఒకపుడు తెలుగులో టాప్ హీరోయిన్‌గా గుర్తింపు పొందిన శ్రియా ఇపుడు సినీ అవకాశాలు అంతంతమాత్రంగానే వస్తున్నాయి. ఈమె ఇపుడు తమిళ హాస్య నటుడు వడివేలు సరసన నటించనుంది.
వడివేలు ఇంద్రుడు, యముడు, నరుడు పాత్రలను పోషించిన చిత్రం ‘ఇంద్రలోకత్తిల్ నా అళగప్పన్’. ఈ చిత్రాన్ని తెలుగులోకి ‘యమలోకం’ పేరుతో అనువదిస్తున్నారు. ‘ఇంద్రలోకంలో సుందరవదన’ అనేది దీని ట్యాగ్‌లైన్.
నిర్మాత కె.వి. రావు నిర్మిస్తున్న ఈ చిత్రానికి తంబి రామయ్య దర్శకుడు. ఈ సందర్బంగా నిర్మాత మాట్లాడుతూ ‘ఇప్పటివరకూ యమలోకం బ్యాక్‌డ్రాప్‌లో చాలా సినిమాలు వచ్చాయి. కానీ ‘యమలోకం’ వాటన్నింటికంటే భిన్నంగా ఉంటుంది. రెండున్నర గంటలసేపు ప్రేక్షకుడు ఈ లోకాన్ని మరపించేలా మా సినిమా ఉంటుంది’ అని చెప్పారు
ఈ మూవీలో నారదుడిగా నాజర్‌ నటించారు. హీరోయిన్‌ శ్రియ ఓ స్పెషల్ సాంగ్ తో కనువిందు చేస్తారు. తెలుగులో ఎప్పుడో విడుదల కావాల్సిన సినిమా ఇది. కొన్ని కారణాల వల్ల విడుదల కాలేదు. త్వరలో రిలీజ్‌ చేయడానికి సన్నాహాలు చేస్తున్నాం. డబ్బింగ్‌ పనులు శరవేగంగా జరుగుతున్నాయి అని తెలిపారు.
