టాలీవుడ్ “మన్మథుడు” అక్కినేని నాగార్జున. ఈయన నటించిన చిత్రం “మన్మథుడు”. పుష్కరకాలానికిపైగా వచ్చిన ఈ చిత్రం సీక్వెల్ తీస్తున్నారు. ఇందులో హీరో నాగార్జున కాగా హీరోయిన్‌గా రకుల్ ప్రీత్ సింగ్‌ను ఎంపిక చేశారు.
యువ దర్శకుడు రాహుల్ రవీంద్రన్ దర్శకత్వం వహిస్తున్న ఈ చిత్రంలో నాగార్జున కోడలు సమంత ఒక ముఖ్యమైన పాత్రను పోషిస్తున్నట్టుగా వార్తలు వచ్చాయి.
దాంతో ఆమె పాత్ర ఎలా వుండనుందనే ఆసక్తి అందరిలోనూ తలెత్తుతోంది. ఈ సినిమాలో ఫ్లాష్ బ్యాక్ ఎపిసోడ్‌లోకి తీసుకెళ్లే పాత్రలో ఆమె కనిపించనుందనేది తాజా సమాచారం.
‘మన్మథుడు’ సినిమాలో కథానాయకుడు .. అమ్మాయిలకి ఎందుకు దూరంగా వుంటాడనేది తనికెళ్ల భరణి చెబుతూ ఫ్లాష్ బ్యాక్‌లోకి తీసుకెళతాడు.
అలాంటి పాత్రను ఈ సినిమాలో సమంత చేస్తోందని అంటున్నారు. ‘మన్మథుడు 2’లో కథానాయకుడు అమ్మాయిలతో మాత్రమే చనువుగా ఉంటాడట. అందుకు కారణమేమిటనేది సమంత చెబుతుందని అంటున్నారు.
