ఈ మధ్యకాలంలో రిటర్న్‌ గిఫ్ట్‌ బాగా పాపులరైన మాట. ఇప్పుడు మరోసారి ఆ మాటను గుర్తు చేసుకుంటున్నారు సినీజనం. కొద్దిరోజుల క్రితం మా ఎన్నికల్లో ఓటమిని చూసిన శివాజీ రాజా తన ఫ్రెండ్‌ నాగబాబుకి రిటర్న్‌ గిఫ్ట్‌ ఇస్తానని మీడియా ఎదుట స్పష్టం చేశాడు. మా అధ్యక్ష ఎన్నికల్లో తన ఓటమికి కారణమైన నాగబాబుపై ప్రతీకారం తీర్చుకుంటానని శపథం చేశాడు. ఆ సవాల్‌ ఇప్పుడు సక్సెస్‌ అయ్యింది. జనసేన పార్టీ తరపున నరసాపురం ఎంపీగా పోటీ చేసిన నాగబాబు ఓడిపోయారు. ఆయనే కాదు పార్టీ అధినేత పవన్‌కల్యాణ్‌ సైతం ఓడిపోయారు. జనసేన పార్టీ ఏపీలో ఒక్క సీటు కూడా గెల్చుకోలేకపోయింది. దీంతో మూవీ ఆర్టిస్ట్ అసోసియేషన్‌ మాజీ అధ్యక్షుడు శివాజీరాజా శపథం ఫలించిందని ఫిలింనగర్‌ లో చెప్పుకుంటున్నారు. తాను ఓడిపోయేలా చేసిన ఫ్రెండ్‌ కి కూడా రిటర్న్‌ గిప్ట్‌ గా ఓటమిని ఇచ్చాడని గుసగుసలాడుకుంటున్నారు.
