మార్టూరు : ప్రకాశం జిల్లా మార్టూరు శివారు బొల్లాపల్లి టోల్‌ప్లాజా వద్ద భారీగా గంజాయిని అధికారులు పట్టుకున్నారు. రెండు ఆర్టీసీ బస్సుల్లో గంజాయి తరలిస్తున్న 9 మందిని అదుపులోకి తీసుకున్నారు. వీరిలో ఓ మహిళ కూడా ఉంది. నిందితుల వద్ద నుంచి 80 కిలోల గంజాయిని స్వాధీనం చేసుకున్నారు. రెండు బస్సులను కూడా అదుపులోకి తీసుకున్నారు.
ముందస్తు సమాచారంతో రాత్రి నుంచి నిఘా పెట్టి గంజాయిని స్వాధీనం చేసుకున్నట్లు ఎక్సైజ్‌ ఎన్‌ఫోర్స్‌మెంట్‌ అధికారులు తెలిపారు. ఎక్సైజ్‌ ఎన్‌ఫోర్స్‌మెంట్‌ సీఐ తిరుపతయ్య ఆధ్వర్యంలో ఈ సోదాలు జరిగాయి. విశాఖ ఏజెన్సీ నుంచి గంజాయి తరలిస్తున్న మరికొందరి కోసం తనిఖీలు చేపట్టారు.
