మహేశ్ బాబు .. తన 25వ సినిమాగా ‘మహర్షి’ చేస్తున్న విషయం తెలిసిందే. మున్నా, బృందావనం, ఎవడు, ఊపిరి వంటి సినిమాలను తెరకెక్కించిన వంశీ పైడిపల్లి ఈ సినిమా కి దర్శకుడు. ప్రస్తుతం ఈ సినిమా చివరి దశ లో ఉంది. ఐతే ఇప్పటినుంచే తన తదుపరి సినిమాపై మహేశ్ బాబు దృష్టి పెట్టాడు. ఇది వరకు సుకుమార్ – మహేష్ కాంబినేషన్ లో ఒక సినిమా ఉండబోతుందని “మైత్రి మూవీ మేకర్స్” సంస్థ అఫీషియల్ గా అనౌన్స్ చేసింది. కానీ ఈ సినిమా సెట్స్ మీదకి వెళ్ళడానికి ఆలస్యం అవుతుందట. ఈ లోగా మహేష్ మరో దర్శకుడితో సినిమా చేయాలనుకున్నాడట. ఐతే ఈ సినిమా అనీల్ రావిపూడి తో ఉండబోతుందని సమాచారం.
గతం లో అనీల్ రావిపూడి… “శ్రీనువైట్ల – మహేష్” కాంబినేషన్ లో వచ్చిన ఆగడు సినిమా కి స్క్రిప్ట్ డిపార్ట్మెంట్ లో వర్క్ చేశారు. ఇప్పుడు దర్శకుడి గా మహేష్ తో ఎటువంటి సినిమా చేస్తారనే విషయం పై అందరూ ఆసక్తి గా ఎదురుచూస్తున్నారు.
